قازاقستان قوعامدىق قاۋىپسىزدىك سالاسىنداعى حالىقارالىق ىنتىماقتاستىقتى كۇشەيتىپ جاتىر

استانا. KAZINFORM - قىتايدىڭ ليانيۋنگان قالاسىندا قوعامدىق قاۋىپسىزدىك سالاسىنداعى جاھاندىق ىنتىماقتاستىق فورۋمىنىڭ كونفەرەنتسياسى ءوتتى. بۇل تۋرالى ق ر ءى ءى م ءمالىم ەتتى.

فورۋم اياسىندا ترانسۇلتتىق قىلمىس، ەسىرتكىنىڭ زاڭسىز اينالىمى، كيبەرقىلمىس جانە زاڭسىز كوشى-قون سەكىلدى وزەكتى ماسەلەلەر تالقىلاندى.

اتالعان شاراعا ق ر ىشكى ىستەر ءمينيسترى ەرجان سادەنوۆ قاتىسىپ، ءسوز سويلەدى. مينيستر ەلىمىزدىڭ سيفرلىق ترانسفورماتسيانى ستراتەگيالىق باسىمدىق رەتىندە قاراستىراتىنىن اتاپ ءوتتى.

- الەم جاڭا تاريحي داۋىرگە قادام باستى. تسيفرلىق پروگرەسس قارقىنى ارتىپ كەلەدى. جاپپاي تسيفرلاندىرۋدىڭ اۋقىمدى مۇمكىندىكتەرىمەن قاتار ول قاۋىپسىزدىككە قاتىستى بەلگىلى ءبىر سىن- قاتەرلەردى دە تۋدىرادى. پوليتسيا تاجىريبەسىن يننوۆاتسيالىق تەحنولوگيالارمەن ۇشتاستىرا وتىرىپ، بۇل قاۋىپتەرگە ءتيىستى دەڭگەيدە توتەپ بەرە الاتىنىمىزعا سەنىمدىمىن، - دەدى مينيستر.

قازاقستان تاراپى ب ۇ ۇ- نىڭ كيبەرقىلمىسقا قارسى كونۆەنتسياسىنا قوسىلۋعا نيەتتى ەكەنىن، سونداي-اق ەۋروپالىق كونۆەنتسياعا قوسىلۋ بويىنشا جۇمىستى جالعاستىراتىنىن جانە ب ۇ ۇ، ش ى ۇ، ت م د، تۇركى مەملەكەتتەرى ۇيىمى جانە باسقا دا قۇرىلىمدار اياسىندا سەرىكتەستىكتى بەلسەندى دامىتۋدى كوزدەپ وتىرعانىن جەتكىزدى.

فورۋم بارىسىندا قازاقستاندىق دەلەگاتسيا قوعامدىق قاۋىپسىزدىك سالاسىنداعى سوڭعى جەتىستىكتەرمەن تانىستى. ارنايى كورمەدە قۇقىق قورعاۋ ورگاندارى جۇمىسىندا تسيفرلاندىرۋ مەن جاساندى ينتەللەكت قولدانۋدىڭ زاماناۋي تەحنولوگيالارى ۇسىنىلدى.

فورۋم اياسىندا قازاقستان ىشكى ىستەر ءمينيسترىنىڭ ينتەرپولدىڭ باس حاتشىسى ۆ. ۋركيزامەن، قىتايدىڭ قوعامدىق قاۋىپسىزدىك مينيسترىمەن، گرۋزيا مەن موڭعوليانىڭ ىشكى ىستەر مينيسترلەرىمەن، بەلارۋس تەرگەۋ كوميتەتىنىڭ توراعاسىمەن جانە Huawei كومپانياسىنىڭ باسشىلىعىمەن ەكىجاقتى كەزدەسۋلەرى ءوتتى.

كەلىسسوزدەر بارىسىندا ءوزارا ءىس- قيمىل پەرسپەكتيۆالارى، تاجىريبە الماسۋ جانە قوعامدىق قاۋىپسىزدىك سالاسىنا يننوۆاتسيالىق تەحنولوگيالاردى ەنگىزۋ ماسەلەلەرى قارالدى.

بارلىق كەزدەسۋلەر ءوزارا تۇسىنىستىك جانە كونسترۋكتيۆتى فورماتتا ءوتىپ، قاۋىپسىزدىك سالاسىنداعى ىنتىماقتاستىقتى كۇشەيتۋگە جانە بىرلەسكەن باستامالاردى ىسكە اسىرۋعا تاراپتاردىڭ مۇددەلىلىگىن راستادى.

بۇعان دەيىن، قوعامدىق قاۋىپسىزدىك سالاسىن بارىنشا سيفرلاندىرۋ جەمقورلىقتى ازايتاتىنىن جازدىق.