قازاقستان قۇراماسى دجيۋ-دجيتسۋدان الەم چەمپيوناتىنىڭ كوماندالىق ەسەبىندە توپ جاردى

10-12- قاراشا كۇندەرى داۋگاۆپيلس قالاسىندا (لاتۆيا) وتكەن دجيۋ-دجيتسۋدان الەم چەمپيوناتى اياقتالدى. جارىسقا 29 ەلدەن 600 گە جۋىق سپورتشى قاتىستى. ولاردىڭ قاتارىندا قازاقستان قۇراماسىنىڭ 80 سپورتشىسى بار.

جاس وسپىرىمدەر اراسىنداعى گراۋند فايت باعدارلاماسىندا جەرلەستەرىمىز 6 التىن، 5 كۇمىس جانە 6 قولا جۇلدەگە يە بولسا، ەرەسەكتەر اراسىنداعى سايىستا 6 التىن، 4 كۇمىس جانە 14 قولا مەدال جەڭىپ الدى.

كلوسس كونتاكت بويىنشا وتكەن جەكپە-جەكتە جاس وسپىرىمدەر - 6 التىن، 6 كۇمىس جانە 4 قولا، ەرەسەكتەر - 9 التىن، 8 كۇمىس جانە 8 قولا، سەلف جارىسىندا 2 التىن، 5 قولا مەدال ولجالادى.

فۋلل كونتاكت باعدارلاماسىندا جاس وسپىرىمدەر - 6 التىن، 3 كۇمىس جانە 4 قولا، ەرەسەكتەر - 11 التىن، 9 كۇمىس جانە 4 قولا جۇلدەگە قول جەتكىزدى.

وسىلايشا جالپىكوماندالىق ەسەپتە قازاقستان قۇراماسى ءبىرىنشى ورىندى جەڭىپ السا، ەكىنشى ورىنعا ۋكراينا، ءۇشىنشى ساتىعا قىرعىزستان سپورتشىلارى جايعاستى.

massaget.kz