قازاقستان قاي ەلدەرگە ءدارى-دارمەك وتكىزىپ وتىر

الماتى. KAZINFORM - بىلتىر ەلدەگى فارماتسيەۆتيكالىق ءوندىرىس كولەمى %21,8 ءوسىپ، 171,6 ميلليارد تەڭگەگە جەتتى. اتالعان سالاعا تارتىلعان ينۆەستيسيا 2 ەسە ۇلعايىپ، 91,3 ميلليون دوللار بولدى. بۇل تۋرالى دەنساۋلىق ساقتاۋ مينيسترلىگىنىڭ Kazinform ساۋالىنا جولداعان جاۋابىندا ايتىلعان.

ۇلتتىق ستاتيستيكا بيۋروسىنىڭ دەرەكتەرىنە سايكەس، 2024 -جىلى فارماتسيەۆتيكا ءونىمىنىڭ ەكسپورتى 27874,34000 ا ق ش دوللارىنا جەتكەن.

نەگىزىنەن رەسەي، وزبەكستان، قىرعىزستان، سلوۆەنيا، تۇرىكمەنستان، موڭعوليا، گرۋزيا، مولدوۆا، ۋكراينا جانە تاجىكستان ەلدەرىنە ەكسپورتتالدى.

قازاقستاندا فارماتسيەۆتيكالىق وندىرۋشىلەردىڭ سانى - 207، ونىڭ ىشىندە 43 ى دارىلىك زاتتاردى وندىرۋگە ماماندانعان. 164 ى مەديتسينالىق بۇيىمدار شىعارادى.

25 وتاندىق ءوندىرۋشىنىڭ GMP سەرتيفيكاتى بار.

مەملەكەت باسشىسىنىڭ وتاندىق ءوندىرىستىڭ ۇلەسىن فارماتسيەۆتيكالىق نارىقتا %50 عا دەيىن جەتكىزۋ تاپسىرماسى ورىنداۋ ماقساتىندا دەنساۋلىق ساقتاۋ مينيسترلىگى ءبىرقاتار شارانى قولعا الدى.

اتاپ ايتار بولساق، مىسالى:

- دارىلىك زاتتار مەن مەديتسينالىق بۇيىمدار نومەنكلاتۋراسىن قالىپتاستىرۋ جونىندەگى تاسىلدەردى وزگەرتۋ، بۇل دەنساۋلىق ساقتاۋ جۇيەسىنىڭ ناقتى قاجەتتىلىگىنە قاراي دارىلىك زاتتار مەن مەديتسينالىق بۇيىمدار شىعارۋ جونىندەگى جاڭا وندىرىستەردى ۇلعايتۋعا مۇمكىندىك بەرەدى؛

- فارماتسيەۆتيكا ونەركاسىبىن R- D دامىتۋ جانە ترەنينگ ورتالىقتارى ارقىلى جوعارى تەحنولوگيالىق، يننوۆاتسيالىق دارىلىك زاتتار، مەديتسينالىق بۇيىمدار وندىرىسىنە باعدارلاۋ قاجەت؛

- دارىلىك زاتتار مەن مەديتسينالىق بۇيىمدار ءوندىرىسىنىڭ تولىق سيكلى ءۇشىن جاعدايلار جاساۋ جانە تىكەلەي ينۆەستيتسيالار تارتۋ ءۇشىن وندىرىلەتىن ءونىمنىڭ وزىندىك قۇنىن تومەندەتۋ ماقساتىندا دارىلىك زاتتاردىڭ جانە مەديتسينالىق بۇيىمدار جەتكىزۋدىڭ ۇزاق مەرزىمدى شارتتارىن جاساسۋ مەرزىمدەرى بولىگىندە (ءوندىرىستىڭ تولىق سيكلى كەزىندە 10 جىلعا دەيىن جانە ءوندىرىستىڭ تولىق ەمەس سيكلى كەزىندە 5 جىلعا دەيىن) وزگەرتۋ ۇسىنىلادى؛

- وتاندىق جانە شەتەلدىك ءوندىرۋشى بىرلەسىپ جۇرگىزەتىن كلينيكالىق سىناقتاردى ىنتالاندىرۋ، بۇل رەتتە يننوۆاتسيالىق پرەپاراتقا ليتسەنزيا قازاقستاندىق ارىپتەسىندە قالادى.

- ۇسىنىلىپ وتىرعان شارالاردى ىسكە اسىرۋ قازاقستان اۋماعىندا وندىرىستەردى وقشاۋلاۋ دەڭگەيىنىڭ وسۋىنە ىقپال ەتەدى، وتاندىق ءونىمنىڭ ساپاسىن ارتتىرۋدى، تەحنولوگيالار ترانسفەرتى مەن جاڭا ازىرلەمەلەردى ەسكەرە وتىرىپ، ونىڭ اسسورتيمەنتىن كەڭەيتۋدى جانە قۇرامداس تەوريالىق ونىمدىلىك (ق ت ءو) ۇلەسىنىڭ %50 بويىنشا نىسانالى ينديكاتورعا قول جەتكىزۋدى قامتاماسىز ەتەدى، - دەلىنگەن مينيسترلىك جاۋابىندا.

ايتا كەتەيىك، قازاقستان سلوۆەنيانىڭ فارماتسيەۆتيكا كومپانياسىمەن بىرلەسكەن كاسىپورىن قۇرۋى مۇمكىن.

سونداي-اق «فيتوحيميا» عىلىمي-وندىرىستىك ورتالىعىنىڭ قۇرىلعانىنا 30 جىل تولعانىن جازعانبىز.