قازاقستان ۇ ق ش ۇ- عا ءتوراعا بولدى

قازاقستان 2024-جىلدىڭ 1- قاڭتارىنان باستاپ ۇ ق ش ۇ- عا ءتوراعا بولادى، دەپ حابارلايدى Kazinform.

وتكەن جىلدىڭ 23- قاراشاسىندا مينسكىدە ۇ ق ش ۇ ۇجىمدىق قاۋىپسىزدىك كەڭەسىنىڭ كەڭەيتىلگەن قۇرامدا وتكەن سەسسياسىندا پرەزيدەنت قاسىم-جومارت توقايەۆ 2024-جىلدىڭ 1- قاڭتارىنان باستاپ ۇ ق ش ۇ- عا ءتوراعالىق ەتۋ مىندەتى قازاقستان رەسپۋبليكاسىنا وتەتىنىن مالىمدەگەن ەدى.

وسىعان وراي مەملەكەت باسشىسى قازاقستان ءتوراعالىعى كەزىندە ۇيىم قىزمەتى بويىنشا ەرەكشە نازار اۋدارۋدى قاجەت ەتەتىن ءبىرقاتار باسىم باعىتتى ۇسىندى.

پرەزيدەنت ۇسىنعان باسىم باعىتتار:

- ۇ ق ش ۇ- نىڭ قاۋىپسىزدىك سالاسىندا مۇددەلى ەلدەرمەن جانە حالىقارالىق ۇيىمدارمەن ىنتىماقتاستىق ورناتۋ؛

- اسكەري ىنتىماقتاستىق ماسەلەلەرى بويىنشا قارىم-قاتىناس؛

- حالىقارالىق تەرروريزم مەن ەكسترەميزمگە قارسى ءىس-قيمىل باعىتىنداعى ىنتىماقتاستىقتى دامىتۋ؛

- ەسىرتكى جانە پسيحوتروپتى زاتتاردىڭ زاڭسىز اينالىمىنا دا قارسى كۇرەس؛

- قارۋ-جاراقتىڭ زاڭسىز اينالىمىمەن جانە ترانسۇلتتىق ۇيىمداسقان قىلمىستىق توپتارمەن كۇرەس؛

- توتەنشە جاعدايلاردىڭ الدىن الۋ جانە ونىڭ سالدارىن جويۋ ماسەلەلەرى بويىنشا ىنتىماقتاستىقتى نىعايتۋ؛

- اقپاراتتىق تەحنولوگيا سالاسىنداعى قىلمىستارعا قارسى ءىس-قيمىلدى جانداندىرۋ.