قازاقستان نيدەرلاندى مەن رەسەيدەن جولبارىس الماق

قازاقستان تۇران جولبارىسى پوپۋلياتسياسىن قالپىنا كەلتىرۋ ءۇشىن نيدەرلاندى مەن رەسەيدەن جولبارىس الادى.

بۇل تۋرالى ەكولوگيا جانە تابيعي رەسۋرستار ءمينيسترى ەرلان نىسانبايەۆ ايتتى.

ونىڭ ايتۋىنشا، ىلە وزەنىنىڭ جاعاسىنداعى ورماندا، بالقاش وزەنىنە قۇياتىن، قامىس وسەتىن القاپتا تۇران جولبارىسى مەكەندەگەن.

"مۇندا سوڭعى جولبارىس 1948 -جىلى بولعان. جولبارىستىڭ پوپۋلياتسياسىن قالپىنا كەلتىرۋ ءۇشىن 2024 -جىلعى قىركۇيەكتىڭ سوڭىنا دەيىن گوللانديادان 2 جولبارىستى جەتكىزەمىز. بۇل تۇران تۇقىمداس - امۋر جولبارىسى. سەبەبى وسى 2 جولبارىس قانا سۋىققا ءتوزىمدى كەلەدى. قالعان جولبارىستىڭ ءبارى جىلى جەردە ءومىر سۇرەدى.

سونداي- اق 2025 -جىلى رەسەيدەن تاعى 4 جولبارىستى الىپ كەلەمىز. وسىلايشا، بىزدە بولعان جولبارىستىڭ پوپۋلياتسياسى قالپىنا كەلتىرىلەدى. ول ءۇشىن باعدارلاما بار"، - دەدى ەرلان نىسانبايەۆ ءماجىلىستىڭ جالپى وتىرىسىندا.

ەسكە سالايىق، 17-قىركۇيەكتە ءۇستىرت قورىعىندا سيرەك كەزدەسەتىن الا بارىس فوتوتۇزاققا ءتۇسىپ قالعان بولاتىن.

الا بارىستىڭ بۇل ءتۇرى حالىقارالىق تابيعاتتى قورعاۋ وداعىنىڭ (ح ت ق و) كريتەريلەرى بويىنشا جويىلىپ كەتۋ قاۋپى بار دەپ تانىلعان.

الا بارىستىڭ تەرىسىنىڭ ءتۇسى ايماققا بايلانىستى وزگەرۋى مۇمكىن. باسقا قابىلان تۇرلەرىنەن ايىرماشىلىعى، الا بارىستار اشىقتاۋ كۇڭگىرت تۇسكە يە، بۇل ولارعا ءومىر سۇرەتىن قۇرعاق ءارى تاستى لاندشافتتارمەن جاقسىراق ۇيلەسۋگە كومەكتەسەدى.

بۇل بەيىمدەلگەن كامۋفلياج ولاردىڭ تابيعات جاعدايلارىندا جىرتقىشتار مەن ولجالاردان ءتيىمدى جاسىرىنۋىنا مۇمكىندىك بەرەدى.