قازاقستان مىس ونەركاسىبىن تەرەڭ وڭدەۋگە بەت بۇردى

استانا. KAZINFORM - پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين GP Günter Papenburg AG نەمىس ونەركاسىپتىك حولدينگىنىڭ باسشىسى كارل گيۋنتەر پاپەنبۋرگپەن كەزدەستى.

تاراپتار قازاقستاننىڭ مىس ونەركاسىبىن دامىتۋ جوسپارى مەن ىقتيمال ىنتىماقتاستىق باعىتىن تالقىلادى. بۇل تۋرالى ۇكىمەت ءمالىم ەتتى.

كەزدەسۋ ەلىمىزدە جۇزەگە اسىرىلىپ جاتقان بەلسەندى ەكونوميكالىق ءوسۋ ساياساتىنىڭ جالعاسى. ونىڭ شەڭبەرىندە ۇكىمەت وڭدەۋ ونەركاسىبىنىڭ باسىم سالالارىن دامىتۋعا قاتىسۋدى ۇسىنا وتىرىپ، ەلىمىزگە جەتەكشى حالىقارالىق كومپانيالار مەن ينۆەستورلاردى ماقساتتى تۇردە تارتادى. كەلىسسوزدەر بارىسىندا قازاقستاندىق تاراپ مىس سالاسىن دامىتۋ بويىنشا ءوز كوزقاراستارىن ءبىلدىرىپ، ناقتى ىنتىماقتاستىق فورماتىن قاراۋدى ۇسىندى.

- مىس ونەركاسىبىن دامىتۋ جانە تەحنولوگيالىق جاڭارتۋ - قازاقستاننىڭ جاڭا بەلسەندى ەكونوميكالىق ساياساتىنىڭ نەگىزگى باعىتىنىڭ ءبىرى. ءوسۋدىڭ جاڭا مودەلى شەڭبەرىندە ىشكى جانە سىرتقى نارىقتا سۇرانىسقا يە نەعۇرلىم تەرەڭ قايتا ءبولۋ ونىمدەرىن شىعارۋعا باسا نازار اۋدارىلاتىن باسىم سالالار ايقىندالدى، - دەلىنگەن حابارلامادا.

قازاقستاندا 130 عا جۋىق مىس كەن ورنى بار. جىل سايىن شامامەن 170 ميلليون توننا كەن وندىرىلەدى. بۇل - الەمدىك كولەمنىڭ شامامەن %4. بۇل رەتتە ءونىمنىڭ %97 كاتود، كونتسەنترات جانە كەن تۇرىندە ەكسپورتتالادى. وندىرىلەتىن كەننىڭ نەگىزگى بولىگى جىلىنا شامامەن 750-800 مىڭ توننا مىس-كونتسەنتراتقا (ەكىنشى قايتا ءبولۋ) دەيىن بايىتىلادى. وسى كولەمنىڭ شامامەن 470 مىڭ تونناسى كاتود وندىرىسىنە كەتەدى (ءۇشىنشى قايتا ءبولۋ). كونتسەنتراتتىڭ قالعان بولىگى ءارى قاراي وڭدەلمەي ەكسپورتتالادى. سىم، فولگا، كابەل مەن باسقا دا بۇيىم ءوندىرىسى سەكىلدى قايتا ءبولۋدىڭ جوعارى ءونىمى %5 دان از. مىس سالاسىنداعى جالپى قوسىلعان قۇندى مولايتۋدىڭ الەۋەتى 20 ەسەدەن استام باعالانادى. وسى بارلىق فاكتورعا بايلانىستى مىستى جوعارى قايتا وڭدەۋدى دامىتۋ ەل ىشىندە قوسىلعان قۇندى ارتتىرۋدىڭ نەگىزگى باعىتى رەتىندە قاراستىرىلادى.

نەمىس تاراپى ماسەلەنى ەگجەي-تەگجەيلى پىسىقتاۋعا قىزىعۋشىلىق ءبىلدىردى. مىس كونتسەنتراتىن قازاقستاننان گەرمانياعا جەتكىزۋ دە قاراستىرىلۋى مۇمكىن. الايدا، ول لوگيستيكانى قوسىمشا پىسىقتاۋدى تالاپ ەتەدى. بۇدان باسقا، كومپانيا قازاقستاندا نەعۇرلىم تەرەڭدەي قايتا ءبولۋ ءوندىرىسىن قۇرۋ مۇمكىندىگىن زەردەلەۋگە دايىن. ءول ۇشىن نەعۇرلىم ءتيىمدى وندىرىستەردى شيكىزات كوزدەرىنە جاقىن ورنالاستىرعان ءجون.

تاراپتار «بايتەرەك» حولدينگىنىڭ قاتىسۋىمەن جانە گەرمانياداعى قازاقستاندىق ەلشىلىكتىڭ قولداۋىمەن ىقتيمال ىنتىماقتاستىق فورماتتارىن پىسىقتاۋعا كەلىستى.

160 جىلدان استام تاريحى بار گەرمانياداعى ەڭ ءىرى جەكە ونەركاسىپ جانە قۇرىلىس توبىنىڭ ءبىرى. حولدينگ شيكىزات ءوندىرۋ، قۇرىلىس ماتەريالىن ءوندىرۋ، عيمارات سالۋ، اۆتوموبيل جانە تەمىر جول سالۋ، تەحنيكا ساۋداسى، لوگيستيكا مەن قالدىقتى كادەگە جاراتۋ سالاسىندا جۇمىس ىستەيدى.

توپ ءبىرىڭعاي وندىرىستىك- لوگيستيكالىق ەكوجۇيەنى قۇرا وتىرىپ، 61 ەنشىلەس كومپانيانى بىرىكتىرەدى. حالىقارالىق جوبالاردى جۇزەگە اسىرۋ تاجىريبەسىنە يە. قازاقستاندا Papenburg استانا - بۋراباي اۆتوبانىنىڭ قۇرىلىسىنا قاتىسقان. بۇل ونىڭ ءىرى ينفراقۇرىلىمدىق جوبالاردى جۇزەگە اسىرۋداعى قۇزىرەتىن كورسەتەدى.