قازاقستان مۇنايىنىڭ گەرمانياعا ەكسپورتى ارتاتىن بولدى ما

استانا. KAZINFORM - قازاقستاننان گەرمانياعا مۇناي ەكسپورتىن ەكى ەسە ارتتىرۋ جوسپارى ورىندالا ما؟ بۇل سۇراققا ەنەرگەتيكا مينيسترلىگى جاۋاپ بەردى.

ҚМГ басшысы Атырау мұнай өңдеу зауытын тексерді
Фото: ҚазМұнайГаз

- قازاقستان رەسپۋبليكاسىنىڭ مۇنايىن ەكسپورتتاۋدىڭ قوسىمشا باعىتتارىن دامىتۋ بارىسىندا 2022 - جىلى ازەربايجان رەسپۋبليكاسىمەن جىلىنا 1,5 ميلليون توننا مۇناي تاسىمالداۋعا كەلىسىمگە قول قويىلدى. «باكۋ - تبيليسي - دجەيحان» باعىتى بويىنشا 2024 -جىلدىڭ قورىتىندىسىنا سايكەس 1,4 ميلليون توننادان استام قازاقستاندىق مۇناي تاسىمالداندى، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

سونىمەن قاتار قازاقستان، گەرمانيا جانە رەسەي تاراپتارىنىڭ اراسىنداعى كەلىسىمدەردىڭ اياسىندا 2024 -جىلى 1,5 ميلليون توننا قازاقستاندىق مۇناي گەرمانياداعى «شۆەدتە» مۇناي وڭدەۋ زاۋىتىنا تاسىمالداندى.

- بۇعان دەيىن گەرمانيا جاعى «شۆەدتە» زاۋىتىنا مۇناي جەتكىزۋدى جىلىنا 2 ميلليون تونناعا دەيىن ارتتىرۋعا قىزىعۋشىلىق بىلدىرگەن بولاتىن. قازىرگى ۋاقىتتا بۇل ماسەلە قاراستىرىلىپ جاتىر. ايتا كەتۋ كەرەك، قازاقستان مۇنايى ەكسپورتتىق باعىتتاردا جەتكىزىلۋى مارشرۋتتىڭ كوممەرتسيالىق تارتىمدىلىعىنا جانە سۋبەكتىلەردىڭ اراسىنداعى كەلىسىمدەرگە بايلانىستى بولادى، - دەپ اتالىپ وتكەن ۆەدومستۆو اقپاراتىندا.

ەسكە سالساق، بىلتىر گەرمانيا قازاقستاننان جەتكىزىلەتىن مۇناي كولەمىن ارتتىرۋدى سۇرادى.

سوڭعى جاڭالىقتار