قازاقستان مەن گۆينەيا-بيساۋ پرەزيدەنتتەرى بىرلەسكەن مالىمدەمە قابىلدادى
استانا. KAZINFORM - اقوردادا مەملەكەت باسشىسى قاسىم-جومارت توقايەۆ پەن گۆينەيا- بيساۋ پرەزيدەنتى ۋمارۋ سيسوكۋ ەمبالو جوعارى دەڭگەيدەگى كەلىسسوزدەردىڭ قورىتىندىسىندا بىرلەسكەن مالىمدەمە قابىلدادى.
سونىمەن قاتار، ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ مەن گۆينەيا-بيساۋ سىرتقى ىستەر، حالىقارالىق قاتىناستار جانە قاۋىمداستىقتار ءمينيسترى كارلوس پينتو پەرەيرا ديپلوماتيالىق جانە قىزمەتتىك پاسپورتتاردىڭ يەلەرىن ۆيزالىق تالاپتاردان بوساتۋ تۋرالى ۇكىمەتارالىق كەلىسىممەن، ساياسي جانە ديپلوماتيالىق كونسۋلتاتسيالار جونىندەگى؛ تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان مادييەۆ پەن گۆينەيا- بيساۋ سىرتقى ىستەر، حالىقارالىق قاتىناستار جانە قاۋىمداستىقتار ءمينيسترى كارلوس پينتو پەرەيرا اقپاراتتىق- كوممۋنيكاتسيالىق تەحنولوگيالار سالاسىنداعى ءوزارا ىنتىماقتاستىق تۋرالى ۆەدومستۆوارالىق مەموراندۋممەن الماستى.
بۇعان دەيىن مەملەكەت باسشىسى قاسىم-جومارت توقايەۆ اقوردادا ەلىمىزگە رەسمي ساپارمەن كەلگەن گۆينەيا-بيساۋ پرەزيدەنتى ۋمارۋ سيسوكۋ ەمبالونى سالتاناتپەن قارسى العانىن جازعان ەدىك.
كەڭەيتىلگەن قۇرامداعى كەلىسسوز بارىسىندا قاسىم- جومارت توقايەۆ قازاقستان گۆينەيا-بيساۋدى افريكا قۇرلىعىنداعى ماڭىزدى سەرىكتەس رەتىندە قاراستىراتىندىعىن ايتتى.
كەلىسسوزدەر بارىسىندا ەكى ەلدى باسشىلارى بيساۋ پورتى مەن ترانسكاسپي ءدالىزىن ۇشتاستىرۋ جولدارىن زەردەلەۋگە كەلىستى.
