قازاقستان مەن وڭتۇستىك كورەيا ەلدەرى اراسىندا جاڭا اۋە باعىتتارى اشىلادى
استانا. KAZINFORM - قازاقستان مەن وڭتۇستىك كورەيا ەلدەرى اراسىنداعى اۋە رەيستەرىنىڭ سانى ارتىپ، جاڭا اۋە باعىتتارى اشىلادى.
كولىك مينيسترلىگى باسپا ءسوز قىزمەتى سەۋلدە (كورەيا رەسپۋبليكاسى) قازاقستان كولىك ۆيتسە-ءمينيسترى تالعات لاستايەۆتىڭ كورەيا رەسپۋبليكاسى جەر، ينفراقۇرىلىمى جانە كولىك ءمينيسترىنىڭ ورىنباسارى يۋن سانگ ليمەن ەكىجاقتى كەزدەسۋى وتكەنىن مالىمدەدى.
كەزدەسۋ بارىسىندا تاراپتار استانا مەن سەۋل اراسىنداعى رەيستەردى قايتا باستاۋ، الماتى - سەۋل باعىتى بويىنشا ورىندالاتىن رەيستەردى ۇلعايتۋ، سونداي-اق شىمكەنتتەن سەۋلگە جانە پۋسان مەن قازاقستان قالالارى اراسىنداعى رەيستەردى اشۋ ماسەلەسىن تالقىلاپ ۋاعدالاستى.
سونىمەن قاتار تالعات لاستايەۆ T' Way تومەن بيۋجەتتىك اۋە كومپانياسىنىڭ جانە Sirius Airlines جۇك اۋە كومپانياسىنىڭ باسشىلىعىمەن كەزدەسۋ وتكىزدى. كەزدەسۋ بارىسىندا كورەيالىق تاسىمالداۋشىلار قازاقستانعا ۇشۋعا نيەتتى ەكەنىن ءبىلدىردى.
