قازاقستان مەن ۆەتنام اراسىنداعى ۆيزاسىز رەجيم قاشان باستالادى

استانا. KAZINFORM – ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ قازاقستان مەن ۆەتنام اراسىنداعى ۆيزالىق تالاپتاردان بوساتۋ تۋرالى كەلىسىم جونىندە باياندادى.

«2023 -جىلعى 21-تامىزدا ۆەتنامنىڭ حانوي قالاسىندا قول قويىلعان قازاقستان رەسپۋبليكاسىنىڭ ۇكىمەتى مەن ۆەتنام سوتسياليستىك رەسپۋبليكاسىنىڭ ۇكىمەتى اراسىنداعى ۇلتتىق پاسپورت يەلەرىن ۆيزا تالاپتارىنان بوساتۋ تۋرالى كەلىسىم 25 مامىردان باستاپ كۇشىنە ەنەدى. كەلىسىم ەكى ەلدىڭ ازاماتتارى - ۇلتتىق پاسپورت يەلەرى ءۇشىن ۆيزالىق تالاپتاردىڭ كۇشىن جويۋدى كوزدەيدى»، - دەدى ا. سمادياروۆ مينيسترلىكتىڭ اپتالىق بريفينگىندە.

ەكى ەلدىڭ ازاماتتارى قازاقستان نەمەسە ۆەتنامعا كىرگەن كۇننەن باستاپ كۇنتىزبەلىك 30 كۇن، ال 6 ايدىڭ ىشىندە جالپى العاندا 90 كۇنتىزبەلىك كۇن بولا الادى.

جالپى قازاقستان ۆيزاسىز ەلدەر ءتىزىمىن 82 گە دەيىن كوبەيتتى.