قازاقستان مەن ۆەتنام اراسىندا ۆيزاسىز رەجيم ورنايدى –س ءى م

سىرتقى ىستەر مينيسترلىگىنىڭ رەسمي وكىلى ايبەك سمادياروۆ ۆەتنام مەن قازاقستان اراسىندا ۆيزاسىز رەجيم ەنگىزىلەتىنىن ايتتى، دەپ حابارلادى Halyq Uni ءتىلشىسى.

س ءى م وكىلىنىڭ ايتۋىنشا، قازىر قوس ەلدىڭ اراسىندا كەلىسسوز ءجۇرىپ جاتىر.

2023-جىلى قىتاي جانە ۆەتناممەن ۆيزا تالابىنان بوساتۋ تۋرالى كەلىسىمگە قول قويىلدى. وزدەرىڭىز بىلەسىزدەر، قىتايمەن ۆيزاسىز رەجيم كۇشىنە ەندى. الداعى ۋاقىتتا قوس تاراپ مەملەكەتىشىلىك پروتسەدۋرانى اياقتاعان سوڭ، ۆەتناممەن ۆيزاسىز رەجيم كۇشىنە ەنەدى، - دەدى ايبەك سمادياروۆ.

ەسكە سالايىق، 10- قاراشادا قازاقستان مەن قىتاي اراسىندا ۆيزاسىز رەجيم كۇشىنە ەندى. ەكى تاراپتىڭ كەلىسىمىنە سايكەس، قىتاي جانە قازاقستان ازاماتتارى كورشى ەلدە شەكارادان وتكەن كۇننەن باستاپ 30 كۇنگە دەيىن ۆيزاسىز بولا الادى. جالپى 180 كۇن ىشىندە ۆيزاسىز 90 كۇننەن ارتىق جۇرە المايدى.

«2023-جىلعى 10- قاراشادا قازاقستان ۇكىمەتى مەن قىتاي ۇكىمەتى اراسىنداعى ۆيزالىق تالاپتاردان ءوزارا بوساتۋ تۋرالى كەلىسىم كۇشىنە ەندى. وسى كەلىسىمنىڭ 1-بابىنا سايكەس، ەكى ەلدىڭ ازاماتتارى جەكە ىستەردى، تۋريزمدى، ەم قابىلداۋدى، حالىقارالىق تاسىمالداردى، ترانزيتتىك، سونىمەن بىرگە ىسكەرلىك ماقساتتاردى جۇزەگە اسىرۋ ءۇشىن ۆيزالىق تالاپتاردان بوساتىلادى. وسى رەتتە ازاماتتاردىڭ ەكى مەملەكەت اۋماعىندا بولۋ مەرزىمى كۇنتىزبەلىك 30 (وتىز) كۇننەن اسپايتىن مەرزىمدەگى كەزەڭگە، ال كۇنتىزبەلىك 180 (ءجۇز سەكسەن) كۇن ىشىندە جيىنتىعىندا كۇنتىزبەلىك 90 (توقسان) كۇننەن اسپاۋى قاجەت»، دەپ جازىلعان قازاقستان س ءى م- ءنىڭ حابارلاماسىندا.