قازاقستان مەن سان-مارينو ويىنى باستالدى

فۋتبولدان 2024-جىلعى ەۋروپا چەمپيوناتىنىڭ ىرىكتەۋ كەزەڭى اياسىنداعى قازاقستان - سان-مارينو ويىنى باستالدى. كەزدەسۋدى تاماشالاۋعا كەلگەن جانكۇيەرلەر اراسىندا پرەزيدەنت قاسىم-جومارت توقايەۆ تا بار، دەپ حابارلايدى Kazinform.

وسى ويىن الدىندا قازاقستان قۇراماسىنىڭ قورجىنىندا 15 ۇپاي بولعانىن ايتا كەتۋ كەرەك.

باس باپكەر ماگومەد ادييەۆتىڭ شاكىرتتەرى 8 ويىننىڭ بەسەۋىندە جەڭسە، ءۇش ويىندا جەڭىلگەن بولاتىن.

سونىڭ قورىتىندىسىندا جيناعان 15 ۇپايمەن ءۇشىنشى ورىندا تۇر.

ال توپ باسىندا ازىرگە سلوۆەنيا قۇراماسى. ولاردىڭ قورجىنىندا 19 ۇپاي بار.

ەكىنشى ورىندا تۇرعان دانيا قۇراماسىنىڭ ۇپاي سانى دا 19.

وسىنىڭ الدىنداعى ويىندا قازاقستان فۋتبولشىلارى فينليانديا قۇراما كومانداسىن 2:1 ەسەبىمەن جەڭگەن ەدى.