قازاقستان مەن رەسەيدىڭ ءوزارا ءىس-قيمىل جاسامايتىن باعىتى جوق - پرەزيدەنت
استانا. KAZINFORM - قازاقستان مەن رەسەي اراسىندا قانداي دا ءبىر داۋلى ماسەلە جوق. بۇل تۋرالى اقوردادا رەسەي پرەزيدەنتى ۆلاديمير پۋتينمەن كەلىسسوزدەردىڭ قورىتىندىسىنا وراي وتكەن بريفينگتە مەملەكەت باسشىسى قاسىم-جومارت توقايەۆ ايتتى.
«بۇگىنگى كەزدەسۋ بارىسىندا قۇرمەتتى ۆلاديمير ۆلاديميروۆيچ پۋتين ەكەۋمىز ەلدەرىمىزدىڭ كوپجاقتى فورماتتاعى ءوزارا ءىس-قيمىل ديناميكاسىن ەگجەي-تەگجەيلى تالقىلادىق. سىندارلى تۇردە وڭىرلىك جانە جاھاندىق ساياساتتىڭ وزەكتى ماسەلەلەرى بويىنشا پىكىر الماستىق. ت م د، ەۋرازيالىق ەكونوميكالىق وداق، ش ى ۇ، ۇ ق ش ۇ، ا و ى س ش ك سياقتى ماڭىزدى وڭىرلىك بىرلەستىكتەر اياسىنداعى ىنتىماقتاستىق بويىنشا تولىق ءوزارا تۇسىنىستىگىمىزدى قاناعاتتانۋشىلىقپەن اتاپ وتەمىن. بۇگىندە ءبىزدىڭ ەلدەرىمىز ءوزارا ءىس-قيمىل جاسامايتىن باعىت جوق دەسەك تە بولادى»، - دەدى مەملەكەت باسشىسى.
پرەزيدەنت ەڭ باستىسى قازاقستان مەن رەسەي اراسىندا قانداي دا ءبىر داۋلى ماسەلە جوق ەكەندىگىن باسا ايتتى.
«ءبىز ءارقاشاندا دا ەكى مەملەكەتتىڭ مۇددەلەرىن بارىنشا ەسكەرەتىن تەڭدەستىرىلگەن شەشىمدەردى تابامىز. مۇمكىندىكتى پايدالانىپ، رەسەيدىڭ قۇرمەتتى پرەزيدەنتىنە حالىقتارىمىز اراسىنداعى دوستىق قارىم-قاتىناستى نىعايتۋعا تىنىمسىز جەكە كوڭىل بولگەنى ءۇشىن العىس بىلدىرەمىن. الدا بىرلەسكەن كوپ جۇمىس بار»، - دەدى قاسىم-جومارت توقايەۆ.
