قازاقستان مەن رەسەي ءۇش ج ە و سالۋ جونىندەگى كەلىسىمگە قول قويدى
«سامۇرىق- قازىنا» قورىنىڭ باسشىسى رەسەيلىك ارىپتەستەرمەن ەنەرگەتيكا ماسەلەلەرى بويىنشا كەلىسسوز جۇرگىزدى، دەپ حابارلايدى Kazinform قورعا سىلتەمە جاساپ.
مەملەكەت باسشىسىنىڭ سانكت-پەتەربۋرگ قالاسىنا جۇمىس ساپارى اياسىندا «سامۇرىق- قازىنا» ا ق باسقارما ءتوراعاسى نۇرلان جاقىپوۆ «فيرما ورگرەس» كومپانياسىنىڭ ديرەكتورلار كەڭەسىنىڭ ءتوراعاسى سۇلتان ياحيايەۆپەن جانە «ينتەر راو — ەكسپورت» باس ديرەكتورى ماكسيم سەرگەيەۆپەن كەزدەستى.
كەزدەسۋ قورىتىندىسى بويىنشا «سامۇرىق- قازىنا» ا ق مەن «ينتەر راو — ەكسپورت» كومپانياسى اراسىندا كوكشەتاۋ، سەمەي جانە وسكەمەن قالالارىندا ءۇش ج ە و سالۋ جوبالارى، سونداي- اق «سامۇرىق- ەنەرگو» ا ق مەن «فيرما ورگرەس» كومپانياسى اراسىندا ەكىباستۇز گرەس-2-دە رەسەيلىك جابدىقتى پايدالانا وتىرىپ، № 3 جانە № 4 ەنەرگوبلوك سالۋ جونىندە ىنتىماقتاستىق تۋرالى كەلىسىمگە قول قويىلدى.
قوس تاراپ ەنەرگەتيكا سالاسىندا ارىپتەستىك پەن ينفراقۇرىلىمدى دامىتۋ جونىندە تاجىريبە الماسۋعا نيەتتى ەكەنىن جەتكىزدى.
