قازاقستان مەن قىتاي تاۋار اينالىمىنىڭ قارقىندى ءوسىمى بايقالىپ تۇر - رومان سكليار

Роман Скляр
Фото: Солтан Жексенбеков/ Kazinform

استانا. KAINFORM - قازاق-قىتاي ىنتاماقتاستىعى اياسىندا 45 ءىرى ينۆەستيتسيالىق جوبا جۇزەگە اسىرىلىپ جاتىر.

بۇل تۋرالى بۇگىن ەلوردادا قازاقستان-قىتاي ىسكەرلىك كەڭەسىندە پرەمەر-ءمينيستردىڭ ءبىرىنشى ورىنباسارى رومان سكليار ايتتى.

«وسى كەڭەس - قازاقستان مەن قىتاي اراسىنداعى ءتيىمدى ىنتىماقتاستىقتى قامتاماسىز ەتۋگە باعىتتالعان ماڭىزدى الاڭ. قىتاي - قازاقستاننىڭ باستى ستراتەگيالىق ساۋدا جانە ينۆەستيتسيالىق سەرىكتەستەرىنىڭ ءبىرى. ەكى ەل اراسىندا سەنىم ديالوگى ورناپ، ءوزارا ءىس-قيمىلدىڭ جوعارى دەڭگەيىنە قول جەتكىزىلگەن. بىلتىر قازاقستان مەن قىتاي اراسىنداعى ءوزارا ساۋدا كولەمى 30 پايىزدان استام ارتىپ، رەكوردتىق 41 ميلليارد دوللارعا جەتتى» - دەدى ر. سكليار.

بۇل تۇرعىدا ول وسى جىلى دا تاۋار اينالىمىنىڭ قارقىندى ءوسىمى بايقالىپ تۇرعانىن ايتتى.

«كەيىنگى 20 جىلدا قىتايدان قازاقستانعا تارتىلعان تىكەلەي ينۆەستيتسيا كولەمى 25 ميلليارد دوللارعا جۋىقتادى. قازىرگى كەزدە قازاقستاندا 4 مىڭنان اسا قىتاي كاپيتالى قامتىلعان كومپانيا تىركەلگەن. مۇنىمەن قوسا، قازاق-قىتاي ىنتاماقتاستىعى اياسىندا 45 ءىرى ينۆەستيتسيالىق جوبا جۇزەگە اسىرىلىپ جاتىر»، - دەدى ۇكىمەت باسشىسىنىڭ ءبىرىنشى ورىنباسارى.

بۇدان بۇرىن حابارلانعانداي، بۇگىن اتالعان ىسكەرلىك كەڭەس اياسىندا ق ر سىرتقى ىستەر مينيسترلىگى ينۆەستيتسيا كوميتەتىنىڭ ءتوراعاسى عابيدوللا وسپانقۇلوۆ قازاقستان مەن قىتاي اراسىنداعى جوبالارعا تۇسىنىك بەردى.

فورۋم بارىسىندا قازاقستان مەن قىتاي اراسىندا 5,2 ميلليارد دوللار سوماسىنداعى قۇجاتتارعا قول قويىلدى.

سوڭعى جاڭالىقتار