قازاقستان مەن قىتاي مينيسترلەرى مادەني-گۋمانيتارلىق ىنتىماقتاستىق ماسەلەلەرىن تالقىلادى

Аида Балаева
فوتو: رەسپۋبليكاسىنىڭ مادەنيەت جانە اقپارات مينيسترلىگى

استانا. قازاقپارات - بۇگىن قازاقستان رەسپۋبليكاسىنىڭ مادەنيەت جانە اقپارات ءمينيسترى ايدا بالايەۆا قىتاي حالىق رەسپۋبليكاسىنىڭ مادەنيەت جانە تۋريزم ءمينيسترى سۋن يەليمەن كەزدەستى. كەزدەسۋ بارىسىندا ەكى ەل اراسىنداعى مادەني-گۋمانيتارلىق سالاداعى ىنتىماقتاستىقتى نىعايتۋ ماسەلەلەرى تالقىلاندى، دەپ حابارلايدى El.kz اقپارات اگەنتتىگى.

ايدا بالايەۆا ءتوراعا شي جينپيڭنىڭ مەملەكەتتىك ساپارى جانە ونىڭ ش ى ۇ مەملەكەتتەر باسشىلارى كەڭەسىنىڭ سامميتىنە قاتىسۋى ەلدەر اراسىنداعى ەكىجاقتى قارىم-قاتىناسقا جاڭا سەرپىن بەرەتىنىن اتاپ ءوتتى. سونداي-اق قىتاي تاراپىن استاناداعى قىتاي مادەني ورتالىعىنىڭ ءساتتى تىركەلۋىمەن قۇتتىقتادى.

قازاقستان مەن قىتاي ءۇشىن مادەني ورتالىقتاردىڭ اشىلۋى ايتۋلى وقيعا بولاتىندىعىن ايتا كەتۋ ماڭىزدى. وسى باعىتتاعى ءوزارا بايلانىس بولاشاقتا تەك قارقىندى تۇردە دامىپ، ەكى ەل حالقى ءۇشىن وڭ ناتيجە بەرەدى. بۇل مادەني الاڭ حالىقتارىمىزدىڭ ءبىر-بىرىنە جاقىن بولۋىنا مۇمكىندىك بەرەدى دەپ سەنەمىن، - دەدى قازاقستان رەسپۋبليكاسىنىڭ مادەنيەت جانە اقپارات ءمينيسترى.
سونداي-اق كەزدەسۋ بارىسىندا ايدا بالايەۆا ق ر م ا م-نىڭ ارحيۆ سالاسىندا، قىتايداعى قازاقستانعا قاتىستى تاريحي قۇجاتتار مەن جادىگەرلەردى قايتارۋ بويىنشا ىنتىماقتاسا جۇمىس ىستەۋگە دايىن ەكەنىن اتاپ ءوتتى.

قىتاي حالىق رەسپۋبليكاسىنىڭ مادەنيەت جانە تۋريزم ءمينيسترى بىرلەسە قىزمەت ەتۋگە ءازىر ەكەنىن جەتكىزىپ، باعدارلاما بويىنشا كەلىسكەننەن كەيىن قىتاي تاراپى جۇمىسقا كىرىسىپ، ءتيىستى ورگاندارعا قۇجاتتار تاپسىراتىنىن باسا ايتتى.

ەلدەرىمىزدىڭ مادەني ىنتىماقتاستىعى حالىقتارىمىز اراسىنداعى ءوزارا تۇسىنىستىك پەن دوستىقتى نىعايتۋدا شەشۋشى ءرول اتقارادى. ءبىز بىرلەسكەن مادەني جوبالار مەن باستامالاردىڭ ۇلكەن الەۋەتىن كورىپ وتىرمىز، - دەدى سۋن يەلي.
كەزدەسۋ سوڭىندا تاراپتار بۇگىنگى باسقوسۋ ەلدەر اراسىنداعى مادەني-گۋمانيتارلىق بايلانىستاردى ودان ءارى دامىتۋعا تاعى ءبىر قادام بولاتىنىنا سەنىم ءبىلدىردى.

سوڭعى جاڭالىقتار