قازاقستان مەن قىتاي ەكى ەل جاستارى اراسىنداعى دوستىقتى بەينەلەيتىن AI كەيىپكەرلەرىن ىسكە قوستى
قىتايدىڭ stdaily.com سايتىنىڭ حابارلاۋىنشا، 25 - قاراشادا قىتاي استاناسى بەيجىڭدە قازاقستان رەسپۋبليكاسىنىڭ مادەني فەستيۆالىنىڭ اشىلۋ سالتاناتى جانە قىتاي- قازاقستان جاستارى دوستىعى AI كەيىپكەر بەينەسىن شىعارۋ ءراسىمى ءوتتى، دەپ حابارلايدى Kazinform.
ءىس- شارا بارىسىندا قىتايلىق جانە قازاقستاندىق جاستاردىڭ «ساعان ۇقسايمىن» اتتى ساندىق ادام بەينە قىسقامەتراجدى فيلمى رەسمي تۇردە كورسەتىلىپ، ەكى ەل جاستارىنىڭ دوستىعىن بەينەلەيتىن ەكى AI كەيىپكەرى دەبيۋت جاسادى.
جوبانى قازاقستاننىڭ قىتايداعى ەلشىلىگى، قىتاي حالىقارالىق كوممۋنيكاتسيالار توبىنىڭ (CICG) مادەني كوممۋنيكاتسيا ورتالىعى جانە چجۋانتسۋن عىلىمي فانتاستيكا يندۋسترياسىنىڭ يننوۆاتسيالىق ورتالىعى بىرلەسىپ قولعا الدى.
ەكى AI كەيىپكەرىن قازاقستان مەن قىتاي ۋنيۆەرسيتەتتەرىنىڭ ستۋدەنتتەرى بىرلەسىپ جاساعان، بۇل ەكى ەلدىڭ جاستارى اراسىنداعى تەرەڭ دوستىقتى بەينەلەيدى.
قازاقستاننىڭ قىتايداعى ەلشىلىگىنىڭ كەڭەسشى- ۋاكىلى اسقار شالقاربايەۆ مادەني جانە حالىقتار اراسىنداعى ىنتىماقتاستىقتىڭ ماڭىزدى قۇرامداس بولىگى جاستار الماسۋ ەكەنىن ايتتى.
قازاقستان وكىلى ەكى ەلدىڭ جاستارى بىرلەسىپ جاساعان AI كەيىپكەرلەرى قىتاي مەن قازاقستان جاستارىنىڭ كۇندەلىكتى ومىرىنە نەگىزدەلگەنىن، ەكى ەل جاستارىنىڭ ومىرگە دەگەن كوزقاراسى، دۇنيەتانىمى، ومىرگە دەگەن وڭ كوزقاراسىن كورسەتەتىنىن اتاپ ءوتتى.
2024 -جىل - قىتايدىڭ قازاقستانداعى تۋريستىك جىلى. قىتاي مەن قازاقستان اراسىنداعى ەكونوميكالىق الماسۋدىڭ ماڭىزدى كەزەڭى جانە ەكى ەل اراسىنداعى عىلىمي، تەحنولوگيالىق جانە مادەني الماسۋلار ءۇشىن ماڭىزدى تەرەزە. قازاقستان مەن قىتاي جاستارى بىرلەسىپ جاساعان AI كەيىپكەرلەرى ەكى ەلدىڭ ءتۋريزمىن ىلگەرىلەتۋدىڭ ماڭىزدى بولىگى بولىپ تابىلادى جانە بولاشاقتا ءارتۇرلى ءىس- شارالاردا قولدانىلاتىن بولادى.
اۆتور
مۇحتار مۇرات
