قازاقستان مەن قىتاي اراسىنداعى ستراتەگيالىق سەرىكتەستىك 2024 -جىلى تىڭ سەرپىن الماق

президент тоқаев
فوتو: akorda.kz

ق ح ر ءتوراعاسى شي جينپيڭ قوعامداستىق قۇرۋ جونىندەگى باستاماسىن ىسكە اسىرۋ تۋرالى جاريالادى.  ق ح ر-دىڭ قازاقستانداعى توتەنشە جانە وكىلەتتى ەلشىسى جاڭ شياۋ قازاقستان مەن قىتايدىڭ اراسىنداعى 2024 -جىلى جۇزە اسىرىلاتىن ستراتەگيالىق باعىتتار جايلى ايتتى، - دەپ حابارلايدى Aikyn.kz.

«قازاقستان مەن قىتاي - تاۋ مەن وزەن، ورتاق مۇددەمەن بايلانىسقان جانە ءبىر تاعدىر قاۋىمداستىعىمەن توعىسقان دوستىق پيعىلداعى كورشىلەر. وتىز جىلدان استام ديپلوماتيالىق قارىم-قاتىناستار بارىسىندا قىتاي- قازاقستان قارىم-قاتىناسى قارقىندى دامىدى. وسىلايشا ماڭگىلىك جان-جاقتى ستراتەگيالىق ارىپتەستىك رەتىندە تاريحتاعى ەڭ جوعارى دەڭگەيگە جەتتى. ادامزاتتىڭ ءبىرتۇتاس تاعدىرى قاۋىمداستىعىنىڭ تۇجىرىمداماسى ۇسىنىلعاندا قازاقستان تاراپىنان وڭ جاۋاپ پەن بەرىك قولداۋ كورسەتتى»، - دەدى جاڭ شياۋ.

ەلشى 2022 جانە 2023 -جىلدارى قىتاي مەن قازاقستان مەملەكەتتەرى باسشىلارىنىڭ ءوزارا ساپارلارى بارىسىندا «ق ح ر مەن ق ر اراسىنداعى ديپلوماتيالىق قاتىناستاردىڭ ورناعانىنا 30 جىل تولۋىنا وراي بىرلەسكەن مالىمدەمەگە» جانە «قىتاي حالىق رەسپۋبليكاسى مەن قازاقستان رەسپۋبليكاسىنىڭ بىرلەسكەن مالىمدەمەسىنە» قول قويىلعانىن اتاپ ءوتتى.

«ق ح ر ءتوراعاسى شي جينپيڭ قوعامداستىق قۇرۋ جونىندەگى باستاماسىن ىسكە اسىرۋ تۋرالى جاريالادى. ول قىتاي- قازاقستان قاتىناستارىنىڭ تاعى ءبىر «التىن 30 جىلدىعىنا» جول سالدى. جاقىندا قازاقستاننىڭ سىرتقى ىستەر مينيسترلىگى تايۆانداعى سايلاۋ قورىتىندىلارى بويىنشا مالىمدەمە جاساپ، «بىرەگەي قىتاي» قاعيداتىن راستاپ، ادامزاتتىڭ ءبىرتۇتاس تاعدىرى قاۋىمداستىعىن بىرلەسىپ قۇرۋ تۇجىرىمداماسىن ىسكە اسىرۋ ءۇشىن پراكتيكالىق ءىس-قيمىلداردى قولداندى»، - دەيدى جاڭ شياۋ.

2024 -جىلى قىتاي حالىق رەسپۋبليكاسىنىڭ قۇرىلعانىنا 75 جىل تولادى، سونىمەن قاتار بۇل جاڭا كەزەڭدە «ءبىر بەلدەۋ - ءبىر جول» بىرلەسكەن جوعارى ساپالى قۇرىلىستى ىلگەرىلەتۋدىڭ ءبىرىنشى جىلى.

«جاڭا تاريحي باستاپقى نۇكتەدە قىتاي قازاقستانمەن مەملەكەت باسشىلارى ديپلوماتياسىنىڭ ستراتەگيالىق باسشىلىعىن ورىنداۋعا، ءبىر-ءبىرىنىڭ نەگىزگى مۇددەلەرىن قۇرمەتتەۋگە، ءارتۇرلى سالالارداعى پراكتيكالىق ىنتىماقتاستىقتى تەرەڭدەتۋگە، قىتاي-قازاقستان ءبىرتۇتاس تاعدىر قاۋىمداستىعىن قۇرۋ بويىنشا بىرلەسىپ جۇمىس ىستەۋگە، رەتتەلگەن الەمدىك كوپپوليارلىلىق پەن ينكليۋزيۆتى ەكونوميكالىق جاھاندانۋعا جاردەمدەسۋگە، سونداي-اق مەملەكەت باسشىلارىنىڭ ديپلوماتياسىنا جاڭا ۇلەس قوسۋعا دايىن بەيبىتشىلىك، قاۋىپسىزدىك، وركەندەۋ جانە بۇكىل الەمدەگى پروگرەسس بويىنشا جۇمىس ىستەۋگە دايىن»، - دەپ قورىتىندىلادى جاڭ شياۋ.

سوڭعى جاڭالىقتار