قازاقستان مەن قىتاي اراسىنداعى رەيستەر سانى اپتاسىنا 124كە دەيىن ۇلعايدى

2024 жылдан бастап Түркістан – Әбу-Даби бағыты бойынша тұрақты рейстер іске қосылады
Фото: Мақсат Шағырбаев/Kazinform

استانا. KAZINFORM - سيان قالاسىندا قىتاي - ورتالىق ازيا ازاماتتىق اۆياتسيا سالاسىنداعى ىنتىماقتاستىق جونىندەگى جۇمىس توبىنىڭ ءبىرىنشى كونفەرەنسياسى شەڭبەرىندە (С5+1)قازاقستان رەسپۋبليكاسىنىڭ اۆياتسيالىق بيلىگى مەن قىتاي حالىق رەسپۋبليكاسى اراسىندا كەلىسسوزدەر جۇرگىزىلدى.

قازاقستاندىق دەلەگاتسيانى ازاماتتىق اۆياتسيا كوميتەتىنىڭ ءتوراعاسى سالتانات تومپييەۆا، قىتاي دەلەگاتسياسىن قىتاي ازاماتتىق اۆياتسيا اكىمشىلىگى حالىقارالىق قاتىناستار دەپارتامەنتى باس ديرەكتورىنىڭ ورىنباسارى باي ۆەنلي باستادى.

«كەلىسسوزدەر بارىسىندا ەكى ەلدىڭ بەكىتىلگەن تاسىمالداۋشىلارىنىڭ رۇقسات ەتىلگەن جيىلىكتەر سانىن اپتاسىنا 124 رەيسكە دەيىن ۇلعايتۋ جانە جيىلىكتەر بويىنشا قانداي دا ءبىر شەكتەۋسىز جۇك رەيستەرىن ورىنداۋ مۇمكىندىگى جونىندە ۋاعدالاستىققا قول جەتكىزىلدى»، - دەلىنگەن حابارلامادا.

سونىمەن قاتار تاسىمالداۋشىلار سانى ارتىپ، قىتاي اۋماعىندا جاڭا پۋنكتتەر قوسىلدى.

ءوز كەزەگىندە قازاقستاندىق اۆياكومپانيالار حاينان ارالىنداعى (سانيا، حايكوۋ جانە تسيۋنحاي قالالارى) پۋنكتترگە، ونىڭ ىشىندە بەسىنشى، التىنشى جانە جەتىنشى «اۋا ەركىندىگىن» پايدالانا وتىرىپ، شەكسىز رەيستەردى ورىنداۋ قۇقىعىنا يە بولدى.

«كەلىسسوزدەر قورىتىندىسى بويىنشا ەكى ەل اراسىندا العاش رەت «اشىق اسپان» رەجيمى ورناتىلدى، ونىڭ شەڭبەرىندە ەكى ەلدىڭ تاعايىندالعان تاسىمالداۋشىلارى «اۋا ەركىندىگىنىڭ» بەسىنشى دارەجەسىن پايدالانا وتىرىپ، اپتاسىنا 42 رەيسكە دەيىن ورىنداۋ قۇقىعىنا يە بولدى. ايتا كەتەرلىگى، قازاقستان رەسپۋبليكاسى تاسىمالداۋشىلارى «اۋا ەركىندىگىنىڭ» بەسىنشى دارەجەسىن پايدالانا وتىرىپ، قىتايعا رەيستەردى ورىنداۋ قۇقىعىنا يە بولعان الەمدەگى ساناۋلى ەلدەردىڭ ءبىرى (ا ق ش جانە ءبىرقاتار ەۋروپا ەلدەرى) بولدى»، - دەپ حابارلادى ق ر كولىك مينيسترلىگىنىڭ ازاماتتىق اۆياتسيا كوميتەتى.

قىتاي قازاقستاننىڭ كوپتەگەن باعىتتار بويىنشا ستراتەگيالىق سەرىكتەسى، وسىعان بايلانىستى ەلدەر اراسىنداعى رەيستەردى ورىنداۋ ءۇشىن قۇقىقتىق بازانى كەڭەيتۋ ىنتىماقتاستىقتى ودان ءارى دامىتۋ ءۇشىن ماڭىزدى قادام بولىپ تابىلادى.

سوڭعى جاڭالىقتار