قازاقستان مەن قىتاي اراسىنداعى اگروونەركاسىپ كەشەنى ءونىمىنىڭ اينالىمى %6 عا ارتتى
استانا. KAZINFORM - قازاقستان رەسپۋبليكاسىنىڭ پرەمەر- ءمينيسترى ولجاس بەكتەنوۆتىڭ قىتاي حالىق رەسپۋبليكاسى مەملەكەتتىك كەڭەسى پرەمەرىنىڭ ورىنباسارى ليۋ گوجۋڭمەن كەزدەسۋى بارىسىندا ەكىجاقتى ساۋدا- ينۆەستيتسيالىق ىنتىماقتاستىقتىڭ سەرپىندى دامۋ قارقىنى اتاپ ءوتىلدى جانە ەكى ەل ەكونوميكاسىن بىرلەسىپ جاڭعىرتۋ ماسەلەلەرى تالقىلاندى.
ق ر ۇكىمەتى باسپا ءسوز قىزمەتىنىڭ حابارلاۋىنشا، پرەزيدەنت قاسىم-جومارت توقايەۆ پەن ق ح ر ءتوراعاسى شي جينپيڭ ۇكىمەتتەر الدىنا تاۋار اينالىمىن $100 ميللياردقا دەيىن جەتكىزۋ مىندەتىن قويدى.
اۋىل شارۋاشىلىعى سالاسىنداعى ءوزارا ءىس- قيمىلدى ارتتىرۋ پەرسپەكتيۆالارى قارالدى. ءبىر جىل ىشىندە ا و ك ءونىمىنىڭ تاۋار اينالىمى 1,7 ەسەگە ءوسىپ، وسى جىلدىڭ I توقسانىندا بۇل كورسەتكىش تاعى %6 عا ارتتى. بۇل رەتتە قازاقستاندىق اۋىل شارۋاشىلىعى تاۋارلارىنىڭ قىتايعا ەكسپورتى ءبىر جىل ىشىندە %84 عا ءوستى.
ولجاس بەكتەنوۆ قازاقستاننىڭ قىتاي نارىعىنا ورگانيكالىق جانە ەكولوگيالىق تازا اۋىل شارۋاشىلىعى ونىمدەرىن جەتكىزۋ كولەمىن ارتتىرۋعا دايىن ەكەندىگىن اتاپ ءوتتى. بۇعان قىتاي تاراپىنان قازاقستاندىق ەت جانە قۇس ونىمدەرىن اكەلۋگە قويىلعان شەكتەۋلەردىڭ بىرتىندەپ الىنىپ تاستالۋى وڭ سەرپىن بەرەدى. ا و ك سالاسىندا تەرەڭ وڭدەۋ بويىنشا بىرلەسكەن جوبالاردى قۇرۋ باسىم باعىت رەتىندە بەلگىلەندى.
ليۋ گوجۋڭ ق ح ر- دىڭ جاساندى ينتەللەكت، ەلەكتروندى كوممەرتسيا، سپۋتنيكتىك بايلانىس جانە «جاسىل» ەنەرگەتيكانى دامىتۋ سالاسىنداعى ىنتىماقتاستىقتى ارتتىرۋعا دەگەن نيەتىن جەتكىزدى.
تالقىلاۋ بارىسىندا ترانزيتتىك-كولىك سالاسىنداعى ىنتىماقتاستىققا، جاڭا سەرپىندى ينۆەستيتسيالىق جوبالار ارقىلى يندۋستريالىق- ينۆەستيتسيالىق ءوزارا ءىس- قيمىلدى كەڭەيتۋگە (بۇگىنگى تاڭدا جالپى سوماسى $14,5 ميلليارد بولاتىن 45 بىرلەسكەن جوبا ىسكە اسىرىلۋدا)، سونداي- اق ءوڭىرارالىق ءارى مادەني- گۋمانيتارلىق قاتىناستارعا نازار اۋدارىلدى. «قازاقستاننىڭ قىتايداعى تۋريزم جىلى» اياسىنداعى ءىس- شارالار ەكى ەلدىڭ تۋريستىك الەۋەتىنىڭ ارتا تۇسۋىنە ىقپال ەتپەك.
قازاقستان- قىتاي ۇكىمەتارالىق كەلىسسوزدەرى ەكى مەملەكەت باسشىلارى اراسىندا قول جەتكىزىلگەن بارلىق ۋاعدالاستىقتاردى جۇزەگە اسىرۋ ءۇشىن سالالىق دەڭگەيدە جالعاسۋدا.
