قازاقستان مەن قىتاي 2,5 ميلليارد دوللارعا كەلىسىم جاسادى
استانا. KAZINFORM - ولجاس بەكتەنوۆ شاڭحايدا قىتايدىڭ جەتەكشى كومپانيالارى وكىلدەرىمەن كەزدەستى، دەپ حابارلايدى ۇكىمەتتىڭ باسپا ءسوز قىزمەتى.
كەزدەسۋ ناتيجەسىندە قازاقستان مەن قىتاي كومپانيالارىنىڭ اراسىندا 2,5 ميلليارد دوللاردىڭ 8 كوممەرتسيالىق كەلىسىمىنە قول قويىلدى.
اتاپ ايتقاندا:
«سامۇرىق- قازىنا ينۆەست» ج ش س، «QAZAQGAZ AIMAQ» ا ق جانە «Goldcard Smart Group Co.، Ltd» اراسىنداعى $8 ميلليون سوماسىنا زياتكەرلىك جۇيەلەردى ەنگىزۋ سالاسىنداعى ىنتىماقتاستىق تۋرالى كەلىسىم. جوبا الماتى قالاسىنداعى «الاتاۋ» ي ت پ ا ە ا اۋماعىندا كومپونەنتتەردىڭ لوكاليزاتسياسىن ەسكەرە وتىرىپ، GoldCard كومپانياسى جەتكىزەتىن قۇرامداس بولشەكتەردەن گاز ەسەپتەگىشتەرىن شاعىن توراپتى قۇراستىرۋدى كوزدەيدى؛
«Qarmet» ا ق مەن Zhengzhou Coal Mining Machinery Grouop اراسىنداعى كومىر ونەركاسىبىنە ارنالعان جابدىقتار ءوندىرۋ سالاسىنداعى «Qarmet» ا ق كومىر دەپارتامەنتىنىڭ شاحتالارى ءۇشىن $70 ميلليون سوماسىنا مەحانيكالاندىرىلعان كەشەندەر ساتىپ الۋ تۋرالى كەلىسىم؛
ق ر ۇلتتىق ەكونوميكا مينيسترلىگى، قىتايدىڭ Silk Road Fund Co.Ltd. جانە Kazakhstan Investment Development Fund (KIDF) Management Company Ltd. مەملەكەتتىك ينۆەستيتسيالىق قورى اراسىندا قۇنى $552 ميلليون ينۆەستيتسيالىق ىنتىماقتاستىق نەگىزدەرىن بەلگىلەۋ جونىندەگى ءوزارا تۇسىنىستىك تۋرالى مەموراندۋم؛
«Qarmet» ا ق مەن Xinxing Ductile Iron Pipes Co.، LTD اراسىنداعى $161 ميلليون سوماسىنا قازاقستان رەسپۋبليكاسىندا قۋاتى جىلىنا 200 مىڭ توننا سفەرالىق گرافيتى بار بەرىكتىگى جوعارى شويىننان جاسالعان قۇبىرلار شىعاراتىن زاۋىت سالۋ تۋرالى كەلىسىم. ءونىم قازاقستاندا تۇرعىن ءۇي- كوممۋنالدىق جۇيەسىنىڭ نىساندارىن سالۋ، جاڭعىرتۋ، رەكونسترۋكتسيالاۋ، كەڭەيتۋ جانە جاڭارتۋ جونىندەگى جوبالارعا ارنالعان؛
«Qarmet» ا ق مەن China Metallurgical Group Corporation اراسىنداعى $1 ميلليارد سوماسىنا تاۋ-كەن جانە مەتاللۋرگيا سالالارىندا ۇزاق مەرزىمدى جانە كەشەندى ىنتىماقتاستىق ورناتۋ تۋرالى كەلىسىم؛
«Qarmet» ا ق مەن ACRE Coking - Refractory Engineering Consulting Corporation اراسىنداعى $649 ميلليون سوماسىنا كوكس- حيميا ءوندىرىسىن جاڭعىرتۋ جانە كومىر حيمياسىن دامىتۋ جونىندەگى ستراتەگيالىق جوبانى ىسكە اسىرۋ تۋرالى كەلىسىم؛
«Qarmet» ا ق مەن Nanjing Fiberglass Research - Design اراسىنداعى $30 ميلليون سوماسىنا تەمىرتاۋ قالاسىندا قۋاتى جىلىنا 100 مىڭ توننا دايىن ءونىم بولاتىن دومنا قوجدارىنان مينەرالدى جىلىتقىشتار وندىرەتىن فابريكا سالۋ جانە 200 جاڭا جۇمىس ورنىن اشۋ تۋرالى كەلىسىم؛
«Saran Machinery» ج ش س مەن Sinotruk International اراسىنداعى $70 ميلليون سوماسىنا KD ديستريبۋتسيا جانە قۇراستىرۋ سالاسىنداعى، تەحنولوگيانى ليتسەنزيالاۋ جانە تاۋار بەلگىلەرىن پايدالانۋ بويىنشا ىنتىماقتاستىق تۋرالى كەلىسىمدەر پاكەتى. ولاردىڭ ىشىندە ساران قالاسىندا جۇك جانە ارنايى تەحنيكا ءوندىرۋ جونىندەگى جوبانى ىسكە اسىرۋ تۋرالى مەموراندۋم بار، ونىڭ شەڭبەرىندە پەرسپەكتيۆادا 1 مىڭعا جۋىق جاڭا جۇمىس ورنىن اشۋ جوسپارلانۋدا.
بۇعان دەيىن ولجاس بەكتەنوۆتىڭ شاڭحايدا قىتايدىڭ جەتەكشى كومپانيالارى وكىلدەرىمەن كەزدەسكەنىن حابارلاعانبىز.
اۆتور
اينۇر تۋماكبايەۆا
