قازاقستان مەن قاتار قۇنى 17,6 ميلليارد دوللار بولاتىن ينۆەستجوبالاردى ىسكە اسىرۋعا كىرىستى

Kazakhstan and Qatar set to develop investment projects worth USD 16.6 bln
فوتو: ق ر ۇكىمەتى

دوحا. KAZINFORM - قازاقستان رەسپۋبليكاسىنىڭ پرەمەر-ءمينيسترى ولجاس بەكتەنوۆ جۇمىس ساپارىمەن قاتار مەملەكەتىنە باردى.

دوحادا ولجاس بەكتەنوۆتى قاتار ءامىرى شەيح ءتاميم بەن حاماد ءال ءتاني قابىلدادى. ق ر پرەمەر-ءمينيسترى مەملەكەت باسشىسى قاسىم-جومارت توقايەۆتىڭ شىنايى سالەمى مەن مەن ىزگى تىلەكتەرىن جەتكىزدى.

كەزدەسۋ بارىسىندا قازاق- قاتار قاتىناستارى ىنتىماقتاستىقتىڭ بارلىق باعىتتارى بويىنشا جانە جوعارى قارقىنمەن نىعايىپ كەلە جاتقانى اتاپ ءوتىلدى. بيىلعى اقپان ايىندا وتكەن قازاقستان پرەزيدەنتى قاسىم- جومارت توقايەۆ پەن قاتار ءامىرى شەيح ءتاميم بەن حاماد ءال ءتاني اراسىنداعى كەلىسسوزدەر ەكى ەلدىڭ ىنتىماقتاستىقتى جاڭا ستراتەگيالىق دەڭگەيگە كوتەرۋگە دەگەن ءوزارا ۇمتىلىسىن راستادى.

қатар
فوتو: ق ر ۇكىمەتى

ساپار اياسىندا ولجاس بەكتەنوۆ قاتار پرەمەر-ءمينيسترى - سىرتقى ىستەر ءمينيسترى شەيح مۇحاممەد بەن ابدۋراحمان ءال تانيمەن شاعىن جانە كەڭەيتىلگەن قۇرامدا كەلىسسوزدەر جۇرگىزدى.

ۇكىمەتارالىق كەزدەسۋلەردىڭ ءمانى ەكى مەملەكەت باسشىلارى قول جەتكىزگەن ۋاعدالاستىقتاردىڭ ورىندالۋ بارىسى، سونداي- اق ەنەرگەتيكا، اۋىل شارۋاشىلىعى جانە ت. ب. سالالار بويىنشا ينۆەستيتسيالىق جوبالاردىڭ ساپالى ءارى ۋاقتىلى ىسكە اسىرىلۋىنا جاردەمدەسۋ بولدى.

«قاتار - قازاقستاننىڭ اراب الەمىندەگى ماڭىزدى ەكونوميكالىق سەرىكتەسى. مەملەكەت باسشىسى قاسىم- جومارت توقايەۆتىڭ قاتارعا ساپارى شەڭبەرىندە قول جەتكىزىلگەن ۋاعدالاستىقتار ءبىزدىڭ ينۆەستيتسيالىق ىنتىماقتاستىعىمىزدى ساپالى جاڭا كەزەڭگە شىعارادى. ءبىز بۇرىن-سوڭدى بولماعان قوماقتى سوما $17,6 ميللياردتى قۇرايتىن اۋقىمدى جانە ستراتەگيالىق ماڭىزدى ينۆەستيتسيالىق جوبالاردى ىسكە اسىرۋ الدىندا تۇرمىز»، - دەپ اتاپ ءوتتى ولجاس بەكتەنوۆ.

پرەمەر-مينيستر ولجاس بەكتەنوۆ كەزدەسۋ بارىسىندا قازاقستاننىڭ قاتار نارىعىنا حالال جانە ورگانيكالىق اۋىل شارۋاشىلىعى ونىمدەرىن جەتكىزۋ بويىنشا سەرىكتەس بولۋعا دايىن ەكەنىن مالىمدەدى. قازىرگى ۋاقىتتا قازاقستاندىق كاسىپورىندار اوك سالاسىنداعى جوبالاردى ىسكە اسىرۋ بويىنشا قاتارلىق كومپانيالارمەن ىنتىماقتاستىق ورناتۋدا.

ءوز كەزەگىندە قاتار پرەمەر-ءمينيسترى - سىرتقى ىستەر ءمينيسترى ساۋدا-ەكونوميكالىق جانە ينۆەستيتسيالىق ىنتىماقتاستىقتى ودان ءارى ارتتىرۋعا مۇددەلى ەكەنىن راستادى.

«ەلدەرىمىز اراسىنداعى ءوزارا ءىس-قيمىلدى نىعايتۋعا جاقسى ساياسي نەگىز بار. مەملەكەتتەرىمىزدىڭ باسشىلارى بۇعان دەيىنگى ساپار بارىسىندا ىنتىماقتاستىقتى جوعارى دەڭگەيگە شىعارىپ، ءبىرقاتار بىرلەسكەن جوبالاردى ىسكە اسىرۋعا دايىن ەكەندەرىن ءبىلدىردى. بۇگىنگى كەزدەسۋىمىز جوعارى دەڭگەيدە قول جەتكىزىلگەن كەلىسىمدەردى جۇزەگە اسىرۋعا مۇمكىندىك بەرەدى. ءوز تاراپىمىزدان ءبىز ەكىجاقتى ءىس-قيمىلدى كەڭەيتىپ، تەرەڭدەتۋ ءۇشىن جاڭا باعىتتاردى زەرتتەۋگە دايىنبىز»، - دەدى شەيح مۇحاممەد بەن ابدۋراحمان ءال ءتاني.

بۇدان بولەك، تاراپتار مادەنيەت جانە ءبىلىم بەرۋ، ازاماتتىق اۆياتسيا جانە تۋريزم سالاسىنداعى ءوزارا ءىس-قيمىل ماسەلەلەرىن تالقىلادى.

дипломатия
فوتو: ق ر ۇكىمەتى

كەلىسسوز قورىتىندىسى بويىنشا قازاقستان رەسپۋبليكاسى مەن قاتار مەملەكەتىنىڭ ۇكىمەتتەرى اراسىندا نەگىزگى سالالارداعى جوبالاردى دامىتۋ ءۇشىن ۇزاق مەرزىمدى ستراتەگيالىق ارىپتەستىك ورناتۋ تۋرالى كەلىسىمگە قول قويىلدى. ءىرى ينۆەستيتسيالىق جوبالاردىڭ ىشىندە:

جالپى سوماسى شامامەن $5,7 ميلليارد بولاتىن گاز وڭدەۋ زاۋىتتارىن سالۋ جونىندەگى جوبالار. ولاردى ىسكە اسىرۋ ىشكى نارىقتى تولىقتىرۋعا جانە تاۋارلىق گازدىڭ ەكسپورتتىق كولەمىن ۇلعايتۋعا مۇمكىندىك بەرەدى؛

قازاقستان وڭىرلەرىن گازبەن جابدىقتاۋدى دامىتۋعا، ءىرى كاسىپورىندار مەن سولتۇستىك وبلىستاردىڭ تۇرعىندارىنا تابيعي گاز جەتكىزۋدى قامتاماسىز ەتۋگە، سونداي-اق ەلدىڭ ەكسپورتتىق مۇمكىندىكتەرىن كەڭەيتۋگە باعىتتالعان جالپى سوماسى شامامەن $7,7 ميلليارد بولاتىن «اقتوبە - قوستاناي» ماگيسترالدىق گاز قۇبىرىنىڭ جانە «بەينەۋ - بوزوي - شىمكەنت» گاز قۇبىرىنىڭ ەكىنشى جەلىسىن سالۋ جونىندەگى جوبالار؛

قازاقستاننىڭ ۇزاقمەرزىمدى ەنەرگەتيكالىق قاۋىپسىزدىگىن قامتاماسىز ەتۋگە باعىتتالعان جالپى سوماسى شامامەن $2,7 ميلليارد بولاتىن قۋاتى 1100 م ۆ ت بۋ-گاز قوندىرعىسى نەگىزىندە ەلەكتر ستانساسىن جانە 350 م ۆ ت-تىق سۋ ەلەكتر ستانساسىن سالۋ جونىندەگى جوبالار؛

سونداي-اق بيداي، بۇرشاق جانە ءسۇتتى تەرەڭ وڭدەۋ زاۋىتتارىن سالۋ بويىنشا جوبالار.

ۇكىمەتتەر باسشىلارى ولجاس بەكتەنوۆ پەن شەيح مۇحاممەد بەن ابدۋراحمان ءال ءتاني كەلىسىمگە قول قويۋدىڭ تولىق فورماتتاعى جانە ءوزارا ءتيىمدى ىنتىماقتاستىقتى ودان ءارى دامىتۋ ءۇشىن ماڭىزى زور ەكەنىن اتاپ ءوتتى.

سوڭعى جاڭالىقتار