قازاقستان مەن ماجارستان ورتاق باستامالاردى جۇزەگە اسىرۋدى كوزدەيتىن بىرلەسكەن مالىمدەمە قابىلدادى

بۋداپەشت. KAZINFORM - كەلىسسوز قورىتىندىسى بويىنشا قازاقستان مەن ماجارستاننىڭ ستراتەگيالىق سەرىكتەستىگىن ودان ءارى نىعايتۋدى جانە ورتاق باستامالاردى جۇزەگە اسىرۋدى كوزدەيتىن بىرلەسكەن مالىمدەمە قابىلداندى

سونىمەن قاتار قازاقستان مەن ماجارستاننىڭ رەسمي دەلەگاتسيا مۇشەلەرى مىناداي قۇجاتتارعا قول قويدى:

1. قازاقستان رەسپۋبليكاسىنىڭ سىرتقى ىستەر مينيسترلىگى مەن ماجارستاننىڭ سىرتقى ەكونوميكالىق بايلانىستار جانە سىرتقى ىستەر مينيسترلىگى اراسىنداعى كونسۋلدىق ماسەلەلەرى بويىنشا ىنتىماقتاستىق جونىندەگى ءوزارا تۇسىنىستىك تۋرالى مەموراندۋم؛

2. «سامۇرىق- قازىنا» ۇلتتىق ءال- اۋقات قورى» اكسيونەرلىك قوعامى مەن ماجارستاننىڭ «National Capital Holding» ۇلتتىق كومپانياسى اراسىنداعى بىرلەسكەن ينۆەستيتسيالىق جوبالاردى جۇزەگە اسىرۋ جونىندەگى ىنتىماقتاستىق تۋرالى كەلىسىم؛

3. قازاقستان رەسپۋبليكاسىنىڭ اۋىل شارۋاشىلىعى مينيسترلىگى، «Kazakh Invest» جانە «UBM Group» كومپانيالارى اراسىنداعى قازاقستاندا قۇراما جەم جانە پرەميكس ءوندىرىسى جوباسىن ىسكە اسىرۋ جونىندەگى ءۇشجاقتى نەگىزدەمەلىك كەلىسىم؛

4. «قازاقستان تەمىر جولى» ۇلتتىق كومپانياسى» اكسيونەرلىك قوعامى (قازاقستان) ، L. A. C Holding (ماجارستان) جانە Xi'an Free Trade Port Construction and Operation Co (قىتاي) اراسىنداعى ىنتىماقتاستىق تۋرالى مەموراندۋم؛

5. «قازمۇنايگاز» ۇلتتىق كومپانياسى» اكسيونەرلىك قوعامى مەن ماجارستاننىڭ «MOL GROUP» كومپانياسى اراسىنداعى ىنتىماقتاستىقتى كەڭەيتۋ تۋرالى مەموراندۋم؛

6. قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى مەن ماجارستاننىڭ ۇلتتىق بانكى اراسىنداعى بانك سالاسىنداعى ءوزارا تۇسىنىستىك تۋرالى مەموراندۋم.