قازاقستان مەن ۇلى بريتانيا مينيسترلەرى كەلىسسوز بارىسىندا قانداي ماسەلەلەردى تالقىلادى
استانا. KAZINFORM - قازاقستان مەن ۇلى بريتانيانىڭ سىرتقى ساياسي ۆەدومستۆولارى باسشىلارىنىڭ كەزدەسۋىندە «ەير استانا» اۋە كومپانياسىنىڭ جاقىندا IPO- عا شىعۋىنا جانە «استانا» حالىقارالىق قارجى ورتالىعىن قۇرۋداعى ۇلى بريتانيانىڭ ءرولى ايرىقشا اتاپ ءوتىلدى.
«جاقىندا لوندوندا قابىلدانعان قازبا مينەرالدارعا قاتىستى جول كارتاسىن ەسكەرىپ، ماڭىزدى شيكىزات رەسۋرستارى، ترانسكاسپي حالىقارالىق كولىك ءدالىزىن دامىتۋ جانە جاسىل ەنەرگيا سالالارىندا وزىق جوبالاردى جۇزەگە اسىرۋ مۇمكىندىگىن قاراستىردىق. سونىمەن قاتار، عالامدىق سىن-قاتەرلەردى ەڭسەرۋ، سونىڭ ىشىندە كليماتتىڭ وزگەرۋىنە قارسى، قورشاعان ورتانى قورعاۋ جانە سۋ رەسۋرستارىن ءتيىمدى باسقارۋ سياقتى باعىتتاردا بىرلەسە جۇمىس اتقارۋعا كەلىستىك. ءوز كەزەگىمىزدە، لوندونمەن ساۋدا جانە ينۆەستيتسيالىق بايلانىستارىمىزدى كەڭەيتۋگە مۇددەلى ەكەنىمىزدى تاعى دا راستادىق»، - دەدى ق ر سىرتقى ىستەر ءمينيسترى مۇرات نۇرتىلەۋ.
ول ەل پرەزيدەنتى قاسىم-جومارت توقايەۆتىڭ قازاقستانداعى جاڭا ساياسي جانە ەكونوميكالىق رەفورمالارىن قولداعانى ءۇشىن بريتانيا ۇكىمەتىنە العىسىن ءبىلدىردى.
