قازاقستان مەن ءۇندىستان ىنتىماقتاستىق تۋرالى مەموراندۋمعا قول قويدى

Фото: Солтан Жексенбеков / Kazinform
Фото: Солтан Жексенбеков / Kazinform

استانا. KAZINFORM - استانادا شانحاي ىنتىماقتاستىق ۇيىمى اياسىندا اۋقىمدى بيزنەس-فورۋم ءوتتى، دەپ حابارلايدى Kazinform اگەنتتىگى.

«اتامەكەن» ۇ ك ك وكىلدەرىنىڭ حابارلاۋىنشا، جيىن بارىسىندا قازاقستان مەن ش ى ۇ- نا مۇشە مەملەكەتتەر اراسىنداعى ءوزارا تۇسىنىستىك تۋرالى مەموراندۋمعا قول قويىلدى.

فورۋم ش ى ۇ ەلدەرىنىڭ اراسىندا ەكونوميكالىق ىنتىماقتاستىقتىڭ كوكجيەگىن كەڭەيتتى. ءىس-شارا بارىسىندا B2B كەزدەسۋى ءوتىپ، بولاشاعى زور الداعى ۋاقىتتا سالىنۋى مۇمكىن ينۆەستيتسيالاردىڭ جايى تالقىلاندى. سونىمەن قاتار تاراپتار اراسىندا ءوزارا تۇسىنىستىك تۋرالى مەموراندۋمدارعا قول قويىلدى. ونىڭ ءبىرىنشىسى شىۇ ىسكەرلىك كەڭەسىنىڭ ۇلتتىق بولىمشەسىنىڭ ءتوراعاسى بولىپ تابىلاتىن ءۇندىستان وكىلى تريبحۋۆان دارباري مەن قازاقستاننىڭ سىرتقى ساۋدا پالاتاسىنىڭ ءتوراعاسى مۇرات قارىمساقوۆ اراسىندا جاسالدى.

«ەكىنشىسى مەموراندۋمعا قازاقستان مەن قىتايدىڭ ءىرى لوگيستيكالىق كومپانيالارى - قازاقستاننىڭ كولىك قىزمەتكەرلەرى وداعى Kazlogistics پەن Global Logistics Alliance اراسىندا قول قويىلدى»، - دەلىنگەن حابارلامادا.

قازاقستاننىڭ سىرتقى ساۋدا پالاتاسىنىڭ باسشىسى مۇرات قارىمساقوۆ بۇگىنگى تاڭدا ەلىمىزدە ش ى ۇ ەلدەرىنىڭ كاپيتالىنىڭ قاتىسۋىمەن 29 مىڭنان استام كومپانيالار مەن 5 مىڭنان اسا بىرلەسكەن كاسىپورىندار جۇمىس ىستەيتىنىن ايتتى.

2023-جىلى ش ى ۇ ەلدەرىنەن تارتىلعان ينۆەستيتسيا كولەمى 4,6 ميلليارد ا ق ش دوللارىن قۇرادى.

سوڭعى جاڭالىقتار