قازاقستان مەن بىرىككەن اراب امىرلىكتەرى اراسىنداعى تاۋار اينالىمى $633 ميلليونعا جەتتى

ق ر پرەمەر- ءمينيسترى ءاليحان سمايىلوۆ پەن ب ا ءا مينيسترلەر كابينەتى ىستەرى جونىندەگى ءمينيسترى مۇحاممەد ءال- گارگاۋي مەملەكەتارالىق ىنتىماقتاستىقتىڭ نەگىزگى ماسەلەلەرىن تالقىلادى، دەپ حابارلايدى Kazinform ۇكىمەتتىڭ باسپا ءسوز قىزمەتىنە سىلتەمە جاساپ.

Prime Minister of Kazakhstan Alikhan Smailov meets Minister of Cabinet Affairs in the UAE Government Mohammad bin Abdullah Al Gergawi
Фото: Photo: primeminister.kz

استانادا وتكەن كەزدەسۋدە تاراپتار ساۋدا- ەكونوميكالىق ءوزارا ءىس- قيمىلدى ارتتىرۋ پەرسپەكتيۆالارىن، ينۆەستيتسيالىق ىنتىماقتاستىق، مەملەكەتتىك باسقارۋ سالاسىنداعى تاجىريبە الماسۋ قادامدارىن جانە باسقا دا ماسەلەلەردى قاراستىردى.

پرەمەر- مينيستر بىرىككەن اراب امىرلىكتەرى قازاقستاننىڭ پارسى شىعاناعى ايماعىنداعى نەگىزگى ساۋدا- ەكونوميكالىق سەرىكتەستەرىنىڭ ءبىرى ەكەنىن ەرەكشە اتاپ ءوتتى. ماسەلەن، وتكەن جىلدىڭ قورىتىندىسىنا سايكەس ەكى ەل اراسىنداعى تاۋار اينالىمى $633 ميلليونعا جەتتى. سونىمەن قاتار جاقىن ارادا ءوزارا ساۋدا اۋقىمىن كەڭەيتۋ ارقىلى بۇل كورسەتكىشتى $1 ميللياردقا دەيىن ارتتىرۋعا مۇمكىندىك بار.

ءاليحان سمايىلوۆ اتاپ وتكەندەي، ينۆەستيتسيالىق ءوزارا ءىس- قيمىل جاڭا جوبالارمەن دە قولداۋ تاۋىپ وتىر. ماسەلەن، قازاقستانعا تارتىلعان امىرلىكتەر ينۆەستيتسياسى وتكەن جىلى - %27 عا ءوسىپ، شامامەن $420 ميلليونعا دەيىن جەتكەن.

«ءبىرىنشى جارتىجىلدىقتا بۇل كورسەتكىش 3 ەسەدەن استام ءوستى جانە قازىردىڭ وزىندە $400 ميلليوننان استى. ءبىز بارلىق باسىم باعىتتار بويىنشا ودان ءارى ىنتىماقتاستىققا اشىقپىز جانە امىرلىكتەر ينۆەستورلارىنا ولاردىڭ باستامالارىن ىسكە اسىرۋدا جان- جاقتى قولداۋ كورسەتۋگە دايىنبىز»، - دەدى پرەمەر- مينيستر.

سونداي- اق ول بۇگىندە قازاقستان مەن ب ا ءا اراسىندا مەملەكەتتىك باسقارۋ سالاسىنداعى ءوزارا ءىس- قيمىل بەلسەندى دامىپ كەلە جاتقانىن ايتتى. اقپان ايىندا دۋبايدا وتكەن دۇنيەجۇزىلىك ۇكىمەت ءسامميتى اياسىندا ءتيىستى مەموراندۋمعا قول قويىلدى.

Kazakhstan-UAE commodity turnover hit $633mln
Фото: Photo: primeminister.kz

«ءبىز تاجىريبە الماسۋدىڭ بۇل مۇمكىندىگىن جوعارى باعالايمىز جانە مەملەكەتتىك جۇيەنىڭ تيىمدىلىگىن ارتتىرۋ ءۇشىن امىرلىكتەردىڭ وزىق تاجىريبەسىن زەردەلەۋگە مۇددەلىمىز»، - دەدى ءاليحان سمايىلوۆ.

ءوز كەزەگىندە مۇحاممەد ءال- گارگاۋي بىرىككەن اراب امىرلىكتەرى قازاقستانمەن قارىم- قاتىناستى دامىتۋعا ۇلكەن ءمان بەرەتىنىن باسا ايتتى.

«ءبىز ەكونوميكالىق سالادا وڭ ناتيجەلەردى كورىپ وتىرمىز. ارينە، بىزدە ورتاق ۇلكەن الەۋەت بار. ەكونوميكالىق دامۋمەن قاتار، ءبىزدىڭ حالقىمىزدىڭ اراسىنداعى دوستىقتىڭ، تۋريستەر سانىنىڭ ارتا تۇسكەنىن دە كورىپ وتىرمىز. ءبىز بۇل كورسەتكىشتەردىڭ بارلىعى ودان ءارى وسەدى دەپ ۇمىتتەنەمىز»، - دەدى ول.

سوڭعى جاڭالىقتار