قازاقستان ماتانىڭ 87 پايىزىن شەتەلدەن الدىرادى

мата
فوتو: Pexels

استانا. قازاقپارات - 2023 -جىلدىڭ قاڭتار- قاراشا ايلارىندا قازاقستاندا ماقتا-ماتا ءوندىرىسى ءوستى. كورسەتكىش 2022 -جىلدىڭ سايكەس كەزەڭىمەن سالىستىرعاندا %82,9 ارتىق. اتالعان ءونىمنىڭ 20 ميلليون شارشى مەترى شىعارىلدى.

سونىمەن قاتار اتالعان ماتا ءتۇرىنىڭ يمپورتى دا ءوستى - %36,6.

ياعني، وتكەن جىلدىڭ 11 ايىندا 140,5 ميلليون شارشى مەتر ءونىم يمپورتتالعان (102,9 ميلليون شارشى مەتر - 2022 -جىلعى قاڭتار- قاراشا).

سىرتتان اكەلىنگەن ءونىمنىڭ نارىقتاعى ۇلەس سالماعى - %87,5.

وتكەن جىلدىڭ قاڭتار- قاراشا ايلارىندا 3,9 ميلليون شارشى مەتر ماقتا-ماتا ەكسپورتتالعان.

мата
فوتو: Pexels

 


اۆتور
جانات قاپالبايەۆا

سوڭعى جاڭالىقتار