قازاقستان كەزەكتى عارىشكەرىن قاشان ۇشىرادى - مينيستر جاۋابى
استانا. KAZINFORM - سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ وتاندىق عارىشكەرلەردى دايارلاۋ، قازاقستاندىق عارىشكەرلەردى اۋە ساپارىنا جىبەرۋگە قاتىستى پىكىرىن ءبىلدىردى.
«قازىر عارىش سالاسى بويىنشا 6-عىلىمي باعدارلاما ازىرلەنىپ جاتىر. عارىشكەردى ۇشىرۋعا ايتارلىقتاي ينۆەستيتسيا قاجەت جانە مۇنداي مۇمكىندىكتى قولايلى باعامەن پايدالانۋ ءۇشىن ءارتۇرلى كەلىسسوز جۇرگىزىلۋدە. ءدال قازىر بىزدە ۇشىراتىن دايىن عارىشكەر جوق. ءبىراق، حالىقارالىق كومپانيالارمەن جانە شەت ەلدەرمەن بۇل ماسەلەنى تالقىلاپ جاتىرمىز»، - دەپ جاۋاپ بەردى جاسلان ماديەۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا.
ەسكە سالا كەتسەك، بيىل ساۋىردە كوسموسقا تاعى ءبىر قازاق عارىشكەرىن جىبەرۋدىڭ شارتتارى پىسىقتالىپ جاتقانى تۋرالى حابارلاعان ەدىك.
سونداي-اق ق ر ۇشقىش-عارىشكەرى، حالىق قاھارمانى ايدىن ايىمبەتوۆ اگەنتتىك تىلشىسىنە بەرگەن سۇحباتىندا كەلەسى قازاق عارىشكەرى قاشان شىعۋى مۇمكىن ەكەنىن ايتتى.
ايتا كەتەيىك، بيىل العاش رەت اۋەسقوي عارىشكەرلەر عارىشقا ۇشتى.
