قازاقستان كوروناۆيرۋس ىندەتى ورشىگەن جاعدايدا قوسىمشا ۆاكسينا الادى

استانا. KAZINFORM - قازىر ەلىمىزدە كوروناۆيرۋسقا قارسى ۆاكسيناتسيا جۇرگىزىلىپ جاتقان جوق، ءبىراق ەپيدەميا ورشىگەن جاعدايدا ماسەلە قاراستىرىلادى. بۇگىندە كوروناۆيرۋس ينفەكسياسىمەن 1290 ادام تىركەلگەن. بۇل تۋرالى ق ر دەنساۋلىق ساقتاۋ مينيسترلىگى حابارلايدى.

تامىز ايى باستالعالى 27 ادام كوروناۆيرۋسقا شالدىققان، ونىڭ ىشىندە 13 ناۋقاس استانادا، 5 - ى الماتىدا جانە ماڭعىستاۋ وبلىسىندا، تاعى بىرەۋى اقمولا وبلىسىندا. پنيەۆمونيامەن اۋىرعان ك ۆ ي-دىڭ تاعى ءۇش جاعدايى استانادا، اقمولا جانە قوستاناي وبلىسىندا تىركەلگەن. ناۋقاستاردىڭ ءبارى كامەلەتكە تولعان جانە ءولىم تىركەلمەگەن.

دەنساۋلىق ساقتاۋ مينيسترلىگى كوروناۆيرۋس ىندەتى جاعدايىن تۇراقتى دەپ باعالاپ وتىر. قازاقستاندىقتار ۇجىمدىق يممۋنيتەتتى قالىپتاستىردى جانە ۆاكتسيناعا سۇرانىس جوق. الايدا، پەسسيميستىك جاعدايدا ارەكەت ەتۋگە دايىن.

«ك ۆ ي ەپيدەمياسى ورشىگەن جاعدايدا مينيسترلىك ۆاكسينا الۋ ماسەلەسىن قارايدى»، - دەپ تولىقتىردى ۆەدومستۆودان.

دەنساۋلىق ساقتاۋ مينيسترلىگى قازاقستاندا نەمەسە رەسەيدە وندىرىلەتىن پ ت ر-تەستتەردى پايدالانادى. ولار ساقتاۋ مەرزىمى مەن جارامدىلىعىن ەسكەرە وتىرىپ، جىل سايىن ساتىپ الىنادى. ۆەدومستۆونىڭ مالىمەتىنشە، سودان كەيىن عانا كادەگە جاراتىلادى.

اۆتور
داۋلەت ىزتىلەۋ