قازاقستان كومپانيالارى قىتايداعى كورمەدە ءوز ونىمدەرىن ۇسىندى
استانا. قازاقپارات- قىتايداعى حالىقارالىق يمپورت كورمەسىندە 50-دەن استام قازاقستاندىق كومپانيا ءوز ونىمدەرىن ۇسىندى، دەپ حابارلايدى 24KZ.
ونىڭ ىشىندە جەڭىل ونەركاسىپ پەن اۋىل شارۋاشىلىعى وندىرۋشىلەرىنىڭ تاۋارلارى بار. سونداي-اق كەلۋشىلەردىڭ نازارىنا جاڭا تەحنولوگيالىق جوبالار ۇسىنىلدى.
ساۋدا جانە ينتەگراتسيا ءمينيسترى ارمان شاققاليەۆتىڭ ايتۋىنشا، بۇل كورمە - وتاندىق وندىرۋشىلەردىڭ قىتايلىق سەرىكتەستەرمەن ىنتىماقتاستىقتى نىعايتا الاتىن بىرەگەي الاڭ. وعان جىل سايىن 300 مىڭعا جۋىق ساتىپ الۋشى كەلەدى.
ارمان شاققاليەۆ، ق ر ساۋدا جانە ينتەگراتسيا ءمينيسترى:
- قازاقستاندىق تاۋارلاردىڭ حالىقارالىق نارىققا شىعۋىنا تاماشا مۇمكىندىك. ايتا كەتەتىن تاعى ماڭىزدى ماسەلە، العاش رەت قازاقستاندىق ونىمدەردى TikTok ارقىلى ونلاين ساۋداعا شىعارىپ جاتىرمىز. تەك ستەندكە كەلۋشىلەرگە ەمەس، سونداي-اق بۇكىل الەم بويىنشا TikTok، ينتەرنەت ارقىلى ونلاين ساتىپ الۋعا مۇمكىنشىلىك كورسەتىپ جاتىرمىز. كورمەدە TikTok پلاتفورماسى ارقىلى ستريمينگ ىسكە قوسىلدى. العاشقى ساعاتتاردىڭ وزىندە ونلاين رەجيمدەگى ساۋدا قىزدى. 22 مىڭ دوللارعا جۋىق سوماعا قازاقستاندىق تاۋار ساتىلدى.
24.kz
