قازاقستان كۇرەس فەدەراتسياسى تورەشىلەرگە بىلىكتىلىك كۋرسىن وتكىزىپ جاتىر
استانا. KAZINFORM - گرەك-ريم، ەركىن جانە ايەلدەر كۇرەسى فەدەراتسياسىنىڭ ۇيىمداستىرۋىمەن جاتتىقتىرۋشىلار مەن تورەشىلەرگە ارنالعان بىلىكتىلىك ارتتىرۋ كۋرسى ءوتىپ جاتىر. بۇل تۋرالى Olympic.kz جازدى.
جيىنعا ءوز تاجىربيەسىمەن ءبولىسۋ ماقساتىندا، گرەك-ريم كۇرەسى بويىنشا 2023 -جىلعى USAW ۇزدىك جاتتىقتىرۋشىسى، UWW وقىتۋشىسى مارتين حاۋك ارنايى شاقىرتىلعان.
«كۇرەس ەرەجەلەرىن جاڭارتۋ بويىنشا ارنايى سەمينار وتكىزەمىن. ويتكەنى الەمدىك فەدەراتسيا ءجيى وزگەرىستەر ەنگىزەدى. ءبىزدىڭ جاتتىقتىرۋشىلارىمىز بەن سپورتشىلارىمىز بۇل وزگەرىستەردەن حاباردار بولۋى كەرەك. كوبىنەسە داۋلى جاعدايلاردا بۇل ءبىزدىڭ سپورتشىلارعا جاقسى ناتيجەلەرگە قول جەتكىزۋگە كومەكتەسەدى»، - دەيدى حالىقارالىق دارەجەدەگى تورەشى يگور ليگاي.
ايتا كەتەلىك، پاريج وليمپياداسىندا قازاقستاندىق ەكى تورەشى جۇمىس ىستەگەن بولاتىن.
