قازاقستان جەمقورلىقپەن كۇرەستە نەگە قىتاي مەن سينگاپۋردىڭ ءتاسىلىن قولدانبايدى - اگەنتتىك جاۋابى

استانا. KAZINFORM - ءماجىلىس دەپۋتاتى گۇلدارا نۇرىموۆا سىبايلاس جەمقورلىقپەن كۇرەستى جەتىلدىرۋگە ارنالعان زاڭ جوباسىن تالقىلاۋ كەزىندە قازاقستان نەگە بۇل ىستە قىتاي، سينگاپۋر، يزرايل سياقتى ەلدەردىڭ زاڭناماسىن باسشىلىققا الماي وتىرعانىن سۇرادى.

Қазақстан жемқорлықпен күресте неге Қытай мен Сингапурдың тәсілін қолданбайды – Агенттік жауабы
Фото: freepik.com

- ءىس جۇزىندە ازاماتتار سىبايلاس جەمقورلاردىڭ ارەكەتتەرىنەن زارداپ شەگىپ جاتىر. قازىرگى ادىستەر قاجەتتى تولىق ناتيجە بەرمەيدى. وسى ماسەلەدە جەتىستىككە جەتكەن ەلدەردىڭ ادىستەرىن پايدالانۋىمىز كەرەك شىعار دەپ ەرىكسىز ويلاناسىڭ. نەلىكتەن بىزگە، مىسالى، قىتايدىڭ، سينگاپۋر مەن يزرايلدىڭ تاجىريبەسىنىڭ كەيبىر ادىستەرىن پايدالانباسقا؟ مۇمكىن سول كەزدە سىبايلاس جەمقورلىققا قارسى كۇرەستىڭ ناتيجەلەرى بايقالار.. . ءسىزدىڭ پىكىرىڭىز قانداي؟ - دەپ سۇرادى دەپۋتات.

سىبايلاس جەمقورلىققا قارسى ءىس- قيمىل اگەنتتىگى ءتوراعاسىنىڭ ءبىرىنشى ورىنباسارى ۇلان سارقۇلوۆ ەشبىر ەلدىڭ زاڭناماسىن كوز جۇمىپ كوشىرۋگە بولمايتىنىن ايتتى.

- باسقا مەملەكەتتىڭ زاڭناماسىن ءبىز كوز جۇمىپ ەنگىزبەيتىن شىعارمىز ەندى. بىزگە كەلەتىن نورمالاردى ەنگىزەمىز. سىبايلاس جەمقورلىقتى توقتاتۋ ءار ادامنان باستالادى. وسى زاڭ جوباسىندا كوپ نورما بار. وسى نورمالار ءبىزدىڭ جەمقورلىعىمىزدى ازايتادى. سوندىقتان كەيبىر حالىقارالىق ستاندارتتاردى ءبىز دە زەردەلەيمىز، قارايمىز. قايسىسى بىزگە كەلەدى، قايسىسى كەلمەيدى دەگەن سياقتى، - دەدى ۇلان سارقۇلوۆ.

ايتا كەتەيىك، ءماجىلىستىڭ جالپى وتىرىسىندا سىبايلاس جەمقورلىققا قارسى ءىس- قيمىل ماسەلەلەرى جونىندەگى زاڭ جوباسى تالقىلانىپ جاتىر.

سوڭعى جاڭالىقتار