قازاقستان جانارمايى ەڭ ارزان 20 ەلدىڭ قاتارىنا ەندى

قازاقستان Globalpetrolprices رەيتينگى بويىنشا جانارمايى ەڭ ارزان 20 ەلدىڭ قاتارىنا ەندى، دەپ حابارلايدى Kazinform ءتىلشىسى.

باسىلىمنىڭ حابارلاۋىنشا، الەم بويىنشا جانارمايدىڭ ورتاشا باعاسى ليترىنە $1,29 قۇرايدى.

ساراپشىلاردىڭ ايتۋىنشا، ەڭ ارزان جانارماي يراندا - 0,029 دوللار.

قازاقستان بۇل رەيتينگتە 11-ورىندا. ەلىمىزدە ءبىر ليتر جانارماي 0,539 دوللار تۇراتىنى حابارلاندى.

رەسەي 16-ورىندا، وندا جانارماي قۇنى 0,606 دوللار. ساۋد ارابياسىندا (18-ورىن) جانارماي قۇنى ليترىنە 0,681 دوللاردان، ال قىرعىزستاندا (25-ورىن) 0,802 دوللار.

- ءار ەلدە جانارماي باعاسىنىڭ ايتارلىقتاي ايىرماشىلىعى بار. ادەتتە باي ەلدەردە باعا جوعارى بولسا، كەدەي ەلدەر مەن مۇناي ءوندىرىپ، ەكسپورتتايتىن ەلدەردە باعا ايتارلىقتاي تومەن. تەك ا ق ش ەكونوميكالىق دامىعان ەل بولعانىمەن جانارماي باعاسى تومەن. ءار ەلدەگى باعا ايىرماشىلىعى جانارماي سالىعى مەن سۋبسيديالاردىڭ ارتۇرلىلىگىنە بايلانىستى، - دەلىنگەن ماتەريالدا.