قازاقستان جالاقى بويىنشا ەكى جۇزگە جۋىق ەلدىڭ ىشىندە 80-ورىندا تۇر

استانا. KAZINFORM - جالاقى دەڭگەيى بويىنشا الەمدىك رەيتينگتە قازاقستان 196 ەلدىڭ ىشىندە 80-ورىنعا تۇراقتاپ وتىر. بۇل تۋرالى Finprom.kz حابارلادى.

قازاقستاندىقتاردىڭ ورتاشا ايلىق جالاقىسى - 382 مىڭ تەڭگە. بۇل وتكەن جىلمەن سالىستىرعاندا 12,2 پايىزعا ارتىق.

ستاتيستيكاعا سۇيەنسەك، اتىراۋ، ماڭعىستاۋ جانە ۇلىتاۋ وبلىستارىنداعى تۇرعىنداردىڭ ايلىق تابىسى جوعارى. سونداي-اق العاشقى بەستىككە استانا مەن الماتى دا كىرىپ وتىر.

ال جەتىسۋ، سولتۇستىك قازاقستان جانە جامبىل وبلىستارىندا جالاقى مولشەرى تومەن.

امەريكا ۆاليۋتاسىنا ايىرباستاساق، ءبىزدىڭ ورتاشا جالاقىمىز 673 دوللارعا تەڭ. ت م د ەلدەرىنىڭ ىشىندە ءبىز رەسەيدەن (2,2 مىڭ دوللار) كەيىنگى ەكىنشى ورىندامىز.

رەيتينگتە بىزدەن تومەن تۇركىمەنستان (654 دوللار)، بەلارۋس (621 دوللار)، ارمەنيا (541 دوللار)، ازەربايجان (494 دوللار)، وزبەكستان (351 دوللار)، قىرعىزستان (228 دوللار) جانە تاجىكستان (169 دوللار) جايعاسقان.

ال دۇنيە جۇزىندە ەڭ جوعارى جالاقى شۆەيتساريادا تىركەلدى - 8,1 مىڭ دوللار.

العاشقى ۇشتىكتە ليۋكسەمبۋرگ پەن ا ق ش تۇر. ەڭ تومەنگى جالاقى لەسوتودا (24 دوللار)، انگولادا (27 دوللار) جانە مالاۆيدە (31 دوللار) تىركەلىپ وتىر.