قازاقستان حالىقارالىق فۋتبول قاۋىمداستىقتارى وداعى رەيتينگىندە قاي ورىندا؟

استانا. KAZINFORM - حالىقارالىق فۋتبول قاۋىمداستىقتارى وداعى (FIFA) رەيتينگىن جاڭارتتى. قازاقستان قۇراماسىنىڭ كورسەتكىشى وزگەرىسسىز قالعان، - دەپ حابارلايدى msports.kz سايتى.

ستانيسلاۆ چەرچەسوۆ جاتتىقتىراتىن ۇلتتىق قۇراما قىركۇيەك ايىندا ەكى ويىن وتكىزدى. ۇلتتار ليگاسىندا 6-قىركۇيەك كۇنى الماتىدا نورۆەگيا قۇراماسىمەن تەڭ وينادى. بۇل ويىندا 0:0 ەسەبى تىركەلدى.

9-قىركۇيەك كۇنى سلوۆەنيادا قوناقتا بولىپ، 3:0 ەسەبىمەن ەسە جىبەردى. بۇل ويىندا ءۇش گولدى دا بەنيامين شەشكو سوقتى.

جاڭارعان رەيتينگتە قازاقستان 109-ورنىن ساقتاپ قالعان. كەلەسى ويىنىن قازان ايىندا اۆسترياعا قارسى وتكىزەدى.