قازاقستان حالىقارالىق ارەنادا كىمدەرمەن سوتتاسىپ جاتىر

استانا. KAZINFORM - ادىلەت ۆيتسە-ءمينيسترى دانيەل ۆايسوۆ قازاقستاننىڭ قۇزىرلى ورگاندارى حالىقارالىق ارەنادا قانداي ۇيىمدارمەن سوتتاسىپ جاتقانى تۋرالى تولىققاندى مالىمەت بەردى.

- قازىرگى تاڭدا ادىلەت مينيسترلىگىنىڭ قاراماعىندا 21 ءىس بار. ونىڭ ىشىندە 13 ءىس حالىقارالىق تورەلىكتە، - دەدى ۆيتسە-مينيستر ورتالىق كوممۋنيكاتسيالار قىزمەتىندە وتكەن بريفينگىدە.

ادىلەت مينيسترلىگىنىڭ قوسىمشا مالىمەتىنە سۇيەنسەك، حالىقارالىق تورەلىكتە قارالىپ جاتقان ىستەردىڭ ءتىزىمى مىنانداي:

- «Big Sky Energy Corporation»

- «World Wide Minerals»

- «Alhambra»

- «Alhambra II»

- «Victoria Oil&Gas»

- «Gold Pool»

- «ە. بەلاۆين قازاقستانعا قارسى»؛

- «As Windoor»؛

- «قاشاعان بويىنشا سالىق داۋى»؛

- «Stati»؛

- «Todini-3»؛

- «كولىك مينيسترلىگى اۆتوموبيل جولدارى كوميتەتى F&A Road Construction

(فەرماك) قازاقستانعا قارسى»؛

- «تيتان» قازاقستانعا قارسى».

تاعى 6 ءىس شەتەلدىك سوتتاردا قارالىپ جاتىر:

- «ا ق ش- تاعى ازاماتتىق ءىس (ف. ساتەر)»؛

- «Madima s.r.l.»؛

- «ە. اميرحانوۆ ۇلتتىق قاۋىپسىزدىك كوميتەتىنە قارسى»؛

- «ل. حراپۋنوۆا»، «ريال-پروم گرۋپ»، «Aktau Petrol»).

سونداي-اق 2 ءىس سوتقا دەيىنگى تالقىلاۋدا جاتىر.

- بۇل 21 ءىستىڭ ىشىندە 7 داۋ اياقتالۋ ساتىسىندا تۇر نەمەسە اياقتالعان، - دەدى ول.

ۆيتسە- مينيستر وسى ساناتتاعى ىستەرگە جەكە- جەكە توقتالدى.

ايتۋىنشا، 26-قىركۇيەكتە ق ر ەلشىلىگىنىڭ جانە ەكى يتاليالىق كومپانيالاردىڭ («Madima s.r.l.») اراسىنداعى داۋدى تۇپكىلىكتى رەتتەۋ تۋرالى ءۇشجاقتى بەيبىت كەلىسىمگە قول قويىلعان. كەلىسسوزدەردىڭ ناتيجەسىندە باستاپقى تالاپ- ارىزدىڭ سوماسىن شامامەن %20 ازايتىپ، بيۋجەت قارجىسى ۇنەمدەگەن.

ال ماۋسىم ايىندا نيۋ- يورك قالاسىنىڭ وڭتۇستىك وكرۋگىندەگى اقش اۋداندىق سوتىنىڭ القابيلەرى فەليكس ساتەرگە، Bayrock Group ،Inc ،Global Habitat Solutions جانە MeM Energy Partners LLC قاتىستى بارلىق ءۇش تالاپ بويىنشا (مۇلىكتى زاڭسىز يەمدەنۋ، نەگىزسىز بايىتۋ جانە اقشا قاراجاتىن الۋ تۋرالى) الماتى قالاسى اكىمدىگىنىڭ (ق ر ادىلەت مينيسترلىگى) جانە «ب ت ا بانك» ا ق پايداسىنا ۇكىم شىعاردى. القابيلەر 32 ميلليون دوللاردان استام شىعىندى وتەۋ ءۇشىن سۇرالعان سومادان اساتىن وتەماقى تاعايىنداعان.

28-تامىزدا ق ر كولىك مينيسترلىگى اۆتوموبيل جولدارى كوميتەتى مەن «F&A Road Construction» اراسىندا داۋدى رەتتەۋ تۋرالى كەلىسىم جاسالدى.

كەلىسىمنىڭ تالابىنا سايكەس « «F&A Road Construction» 5,9 ميلليارد تەڭگە مولشەرىندە اۆانستىق تولەمدى قايتارۋعا، سونداي-اق تورەلىك بويىنشا مينيسترلىك شەككەن بارلىق شىعىستى وتەۋگە مىندەتتەنگەن.

بەلگيا حالىقارالىق سوتتىڭ يزرايل پرەمەرىن تۇتقىنداۋ شەشىمىن قولداعانىن جازعان بولاتىنبىز.