قازاقستان حالقىنىڭ نەشە پايىزى ۇيىندە قارۋ ۇستايدى

استانا. KAZINFORM - قازاقستاندا 200 مىڭنان استام ازاماتتىق قارۋ يەسى تىركەۋدە تۇر. بۇل تۋرالى ىشكى ىستەر مينيسترلىگى Kazinform ساۋالىنا جولداعان جاۋاپتا ايتىلعان.

- قازىرگى ۋاقىتتا ەلىمىزدە 200 مىڭنان استام ازاماتتىق قارۋ يەلەرى تىركەلگەن. 2024-جىلى قارۋدى يەلەنۋگە شامامەن 1 مىڭنان استام قارۋ يەلەرىنىڭ رۇقساتتارى توقتاتىلىپ، كۇشىن جويعان.

قازاقستان رەسپۋبليكاسىنىڭ جيىرما ءبىر جاسقا تولعان اڭشى كۋالىگى بار ازاماتتارى اڭشىلىق قارۋدى ساتىپ الۋ قۇقىعى بار، - دەپ جازىلعان جاۋاپتا.

بۇل 20 ميلليوننان استام ادامنىڭ 1 پايىزى دەگەن ءسوز. ازاماتتىق قارۋ يەلەرىنىڭ ەڭ كوبى الماتى، استانا قالاسىندا، الماتى جانە قاراعاندى وبلىستارىندا تىركەلگەن.

- قارۋ ازاماتتىق اينالىمدا پايدالانۋ ماقساتىنا (ءوزىن-ءوزى قورعاۋ، سپورتپەن اينالىسۋ جانە اڭ اۋلاۋ ءۇشىن سايكەس بولىنەدى). قارۋدى ساقتاۋ مەن الىپ جۇرۋگە ىشكى ىستەر ورگاندارى بەرگەن رۇقسات نەگىز بولىپ تابىلادى، - دەلىنگەن ءى ءى م مالىمەتىندە.

كەشە عانا بىرنەشە وبلىستا قاڭتار وقيعاسى كەزىندە ۇرلانعان قارۋ-جاراقتار تابىلعانى حابارلانعان ەدى.