«قازاقستان حالقىنا» قورى ورفاندىق اۋرۋى بار 490 ازاماتقا 62,3 ميلليارد تەڭگەنىڭ كومەگىن كورسەتكەن

استانا. KAZINFORM - «قازاقستان حالقىنا» قورىنىڭ باسقارما ءتوراعاسى بولات جامىشيەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا مەديتسينا سالاسىنداعى قايىرىمدىلىق كومەكتەر تۋرالى مالىمەت بەردى.

اا
Фото: Денсаулық сақтау министрлігі

- قور 2022-2024-جىلدارى ورفاندىق اۋرۋى بار 490 ازاماتقا 62,3 ميلليارد تەڭگە كولەمىندە كومەك كورسەتتى. ونىڭ 371 ءى بالا. قور ونكولوگيالىق جانە ونكوگەماتولوگيالىق اۋرۋى بار 1284 ازاماتقا 14,76 ميلليارد تەڭگەدەن استام كولەمدە كومەك كورسەتتى، - دەدى بولات جامىشيەۆ.

«قازاقستان حالقىنا» قورى 2023-2024-جىلدارى بالالارعا كورسەتىلەتىن نەيروحيرۋرگيالىق قىزمەتتى دامىتۋ ءۇشىن 19 وڭىردە 22 مەديتسينالىق ۇيىمدى جابدىقتاۋعا اتسالىسقان.

- ورفاندىق ناۋقاستاردى قاجەتتى پرەپاراتتارمەن قامتاماسىز ەتۋ دەنساۋلىق ساقتاۋ مينيسترلىگىنىڭ تىكەلەي مىندەتى ەكەنىن اتاپ وتكىم كەلەدى. قايىرىمدىلىق قورى مەملەكەتتىڭ فۋنكتسيالارىن قايتالاماۋى كەرەك. تەك الەۋمەتتىك كومەك اياسىنداعىتس باستامالاردى تولىقتىرىپ، قولداۋى كەرەك، - دەپ تولىقتىردى سپيكەر.

ەسكە سالساق، بىلتىر تامىزدا «قازاقستان حالقىنا» قورى 850 ءبىلىم گرانتىن بولگەن ەدى.

سوڭعى جاڭالىقتار