«قازاقستان حالقىنا» قورى ءۇش جىلدا 100 دەن استام باعدارلاما مەن جوباعا باستاماشى بولعان
استانا. KAZINFORM - «قازاقستان حالقىنا» قورىنىڭ باسقارما ءتوراعاسى بولات جامىشيەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ءۇش جىلداعى جۇمىستىڭ باستى ناتيجەلەرىن اتادى.

- «قازاقستان حالقىنا» قورى ءبىرجولعى كومەك كورسەتۋ ءۇشىن عانا ەمەس، كوپتەگەن جىلدار بويى نازاردان تىس قالعان جۇيەلى ماسەلەلەردى شەشۋ ءۇشىن قۇرىلعان. «قازاقستان حالقىنا» قورى 104 قايىرىمدىلىق باعدارلاماسى مەن جوبانىڭ باستاماشىسى بولدى. ونىڭ 62 ءسى اياقتالدى. ولاردى ىسكە اسىرۋعا 240 ميلليارد تەڭگە ءبولىندى، - دەدى بولات جامىشيەۆ.
قازىر قوردا 252 ميلليارد تەڭگە بار كورىنەدى. قور العاشقى ەكى جىلدا قايىرىمدىلىق كومەككە 186,5 ميلليارد تەڭگە، 2024-جىلى 96,6 ميلليارد تەڭگە جۇمساعان.
ەسكە سالساق، بىلتىر تامىزدا «قازاقستان حالقىنا» قورى 850 ءبىلىم گرانتىن بولگەن ەدى.