«قازاقستان حالقىنا» قوعامدىق قورىن لاززات شىڭعىسبايەۆا باسقارادى

استانا. KAZINFORM - «قازاقستان حالقىنا» قوعامدىق قورىن ءۇش جىل بويى باسقارعان بولات جامىشەۆ قىزمەتىنەن كەتتى، دەپ حابارلايدى قوردىڭ باسپا ءسوز قىزمەتى.

Лаззат Чинкисбаева
فوتو: «قازاقستان حالقىنا» قورى

ول بۇل قىزمەتكە 2022 -جىلدىڭ قاڭتارىندا تاعايىندالعان بولاتىن. باسقارما ءتوراعاسى بولىپ سايلانعان وكىلەتتىك مەرزىمىنىڭ اياقتالۋىنا بايلانىستى بولات جامىشەۆ قورداعى جۇمىسىن اياقتاۋ تۋرالى شەشىم قابىلدادى.

باسشىلىق جاساعان كەزىندە بولات جامىشەۆ قوردىڭ قالىپتاسۋى مەن دامۋىنا زور ۇلەس قوستى. قور 104 قايىرىمدىلىق باعدارلاماسى مەن جوباسىنا باستاماشى بولىپ، ونىڭ 62 سىن ىسكە اسىردى. 29-قاڭتاردا ق ر پرەزيدەنتى جانىنداعى ورتالىق كوممۋنيكاتسيالار قىزمەتى الاڭىندا قور باسقارماسىنىڭ مۇشەلەرىنىڭ قاتىسۋىمەن وتكەن بريفينگتە «قازاقستان حالقىنا» قورىنىڭ جۇمىس ناتيجەلەرى تۋرالى باياندادى.

قوردىڭ قايىرىمدىلىق جوبالارى دەنساۋلىق ساقتاۋ جۇيەسىن دامىتۋدىڭ، اۋىلداعى ءبىلىم بەرۋ مەن ەلدەگى الەۋمەتتىك قولداۋدىڭ، جاڭا ستاندارتتاردى بەلگىلەۋدىڭ جانە قازاقستاندىقتاردىڭ ءومىر ءسۇرۋ ساپاسىن تۇبەگەيلى وزگەرتۋدىڭ درايۆەرىنە اينالدى.

قور مەن ونىڭ سەرىكتەستەرىنىڭ قولداۋىمەن اۋداندىق جانە وبلىستىق وڭالتۋ ورتالىقتارىن دامىتۋدى، شاعىن جيناقتى مەكتەپتەردە جاڭا ءبىلىم بەرۋ تەحنولوگيالارىن قولدانۋدى قوسا العاندا، اۋىلدىق جەرلەردەگى تىرەك مەكتەپتەر جەلىسىن قۇرۋ، روبوتوتەحنيكا كابينەتتەرىن دامىتۋ، از قامتىلعان وتباسىلاردان شىققان ستۋدەنتتەر ءۇشىن ءبىلىم گرانتتارىن ىسكە قوسۋ، يننوۆاتسيالىق تارگەتتى پرەپاراتتار مەن زاماناۋي مەديتسينالىق جابدىقتاردى ساتىپ الۋ سياقتى ماڭىزدى باستامالار جۇزەگە اسىرىلدى. شالعاي ەلدى مەكەندەردە سپورتپەن شۇعىلدانۋ ءۇشىن قوردىڭ قولداۋىمەن اۋىل جاستارىنا ارنالعان 100 سپورت زالى اشىلدى. باتىس قازاقستان وبلىسىندا 25 اۋىلدىق كىتاپحانا جاڭارتىلىپ، اۋىلدىق كوميۋنيتي ورتالىقتارىنا اينالۋدا.

قور اتىراۋ، باتىس قازاقستان، سولتۇستىك قازاقستان، قوستاناي، اقمولا وبلىستارىندا سۋ تاسقىنىنان زارداپ شەككەن 627 وتباسى ءۇشىن تۇرعىن ءۇي قۇرىلىسىن قارجىلاندىرۋدى قامتاماسىز ەتتى.

قازاقستان پرەزيدەنتى قاسىم-جومارت توقايەۆ، اقوردانىڭ رەسمي سايتىندا جاريالانعان اقپاراتقا سايكەس، «قازاقستان حالقىنا» قورىنىڭ جۇمىسىن جوعارى باعالادى. مەملەكەت باسشىسى قوردىڭ ازاماتتاردى الەۋمەتتىك قولداۋعا جانە قوعامنىڭ ءال-اۋقاتىن ارتتىرۋعا قوسقان قوماقتى ۇلەسىن اتاپ ءوتىپ، بۇل باعىتتاعى قىزمەتتى جالعاستىرۋدىڭ ماڭىزدىلىعىنا توقتالدى.

Болат Жәмішев
فوتو: «قازاقستان حالقىنا» قورى

- قوردا جۇمىس ىستەۋ مەن ءۇشىن ۇلكەن مارتەبە جانە جاۋاپكەرشىلىكتى ءىس بولدى. قور قىزمەتىندە ءبىزدىڭ باستامالارىمىزدى قولداعانداردىڭ بارلىعىنا شىن جۇرەكتەن العىس ايتامىن. ءبىز بىرىگىپ ايتارلىقتاي ناتيجەلەرگە قول جەتكىزدىك جانە قوردىڭ جاڭا باسشىلىقپەن ءوز دامۋىن جالعاستىرا بەرەتىنىنە سەنىمىم مول. بارلىق سەرىكتەستەرگە، دونورلارعا جانە قىزمەتكەرلەرگە ورتاق يگى ىسىمىزگە قوسقان ۇلەسى ءۇشىن العىس ايتامىن، - دەپ بولات جامىشەۆ ءوز شەشىمىنە تۇسىنىك بەردى.

«قازاقستان حالقىنا» قوعامدىق قورى قامقورشىلىق كەڭەسىنىڭ شەشىمىمەن 2025 -جىلدىڭ 1-اقپانىنان باستاپ «قازاقستان حالقىنا» ق ق باسقارما ءتورايىمى لاۋازىمىنا قوعام قايراتكەرى، قايىرىمدىلىق جانە قازاقستانداعى ۇ ە ۇ-نىڭ ينستيتۋتسيونالدىق دامۋى مەن الەۋمەتتىك جوبالاردى باسقارۋ سالاسىنداعى ساراپشى لاززات شىڭعىسبايەۆا سايلاندى. ول بۇعان دەيىن «قازاقستان حالقىنا» قورى باسقارما ءتوراعاسىنىڭ ورىنباسارى قىزمەتىن اتقارىپ، مەملەكەتتىك ناگرادا - «ەرەن ەڭبەگى ءۇشىن» مەدالىمەن، «اتامەكەن» ۇ ك پ قۇرمەتتى قىزمەتكەرى» مەدالىمەن ماراپاتتالعان.

سونداي-اق، قامقورشىلىق كەڭەس قور قىزمەتكەرلەرى سوفيا ايساعاليەۆانى باسقارما ءتوراعاسىنىڭ ورىنباسارى، سەرىكبەك ەلشىبەكوۆتى «قازاقستان حالقىنا» ق ق باسقارما مۇشەسى ەتىپ سايلادى.

باسشىلىقتىڭ اۋىسقانىنا قاراماستان، قور جۇمىسىن قالىپتى تارتىپتە جالعاستىرادى. قوردىڭ قامقورشىلىق كەڭەسىنىڭ پىكىرىنشە، باسشىلىقتىڭ اۋىسۋى - بۇل جاڭا تاراۋ، ول قايىرىمدىلىق قىزمەتتى دامىتۋ ءۇشىن قوسىمشا مۇمكىندىكتەردى اشادى.

ەسكە سالساق، وسىعان دەيىن اسەت ءنۇسىپوۆ ساۋدا جانە ينتەگراتسيا ۆيتسە- ءمينيسترى بولىپ تاعايىندالعانىن جازعان ەدىك.

سوڭعى جاڭالىقتار