قازاقستان شەتەلدە وقيتىن ستۋدەنتتەردىڭ سانى بويىنشا الەمدە 9-ورىندا تۇر

استانا. KAZINFORM - يۋنەسكو ستاتيستيكالىق ينستيتۋتىنىڭ جاڭارتىلعان دەرەكتەرى بويىنشا قازاقستان شەتەلدە وقيتىندار سانى بويىنشا الەمدە 9-ورىنعا يە بولدى (91,2 مىڭ ستۋدەنت). بۇل تۋرالى ۇلتتىق ينۆەستورلار قاۋىمداستىعى تالداۋ جاساپتى.

الەمدەگى ەڭ تىعىز قونىستانعان ەكى ەل، قىتاي مەن ءۇندىستاندا شەتەلدە وقيتىن ستۋدەنتتەر كوپ بولىپ شىقتى. ماسەلەن، شەتەلدە ميلليوننان استام (1,021 مىڭ) قىتاي ستۋدەنتتەرى وقيدى، ال ءۇندى ستۋدەنتتەرىنىڭ سانى وسى كورسەتكىشتىڭ جارتىسىنا جۋىعىن (508,2 مىڭ) قۇرادى. ودان ءارى ۆەتنام (137 مىڭ)، گەرمانيا (126,4 مىڭ) جانە وزبەكستان (109,9 مىڭ) ورنالاسقان.

الايدا، ەگەر شەتەلدە وقيتىن ستۋدەنتتەردىڭ ءتيىستى كەزەڭدەگى حالىققا ارا قاتىناسىن ەسەپتەسەك، وندا قازاقستان 0,48 پايىز ۇلەسى بار ەلدەر اراسىندا 1-شى ورىندى الادى.

ودان كەيىن سيريا (0,46 پايىز) جانە وزبەكستان (0,31 پايىز) جايعاسقان. شەتەلدە وقيتىن ستۋدەنتتەر سانى بويىنشا سالىستىرمالى تۇردە جوعارى كورسەتكىشتەرگە يە قىتاي مەن ءۇندىستان، سونىمەن بىرگە ستۋدەنتتەردىڭ حالىق سانىنا قاتىناسى بويىنشا كورسەتكىشتەرى تومەن (قىتاي 0,07 پايىز، ءۇندىستان 0,04 پايىز).

ستۋدەنتتەر وقۋدى تاڭداعان ەلدەرگە كەلسەك، بۇل ا ق ش (833 مىڭ)، ودان كەيىن ۇلى بريتانيا (601 مىڭعا جۋىق)، اۆستراليا (378 مىڭعا جۋىق)، گەرمانيا (376 مىڭنان استام) جانە كانادا (318 مىڭعا جۋىق) .

ەسكە سالا كەتەيىك، بيىل قازاقستاندا 186 مىڭ تۇلەك 11-سىنىپتى ءبىتىردى. ولاردىڭ ىشىندە 7420 وقۋشى (تۇلەكتەردىڭ 4 پايىز) «التىن بەلگىگە» يە بولدى، ال 13727 وقۋشى (تۇلەكتەردىڭ 7 پايىز) جالپى ورتا ءبىلىم تۋرالى ۇزدىك اتتەستات الدى.

اۆتور

داۋلەت ىزتىلەۋ