قازاقستان شايدى قاي ەلدەردەن الدىرادى

استانا. KAZINFORM - العاشقى جارتى جىل ىشىندە قازاقستان 40,4 ميلليون ا ق ش دوللارى سوماسىنا 13,4 مىڭ توننا شاي يمپورتتادى.

وتكەن جىلدىڭ سايكەس كەزەڭىمەن سالىستىرعاندا يمپورت كولەمى %28,1 قىسقاردى، دەيدى ۇلتتىق ستاتبيۋرودان.

نەگىزگى جەتكىزۋشىلەر كەنيا - 4,8 مىڭ توننا، ءۇندىستان - 4,7 مىڭ توننا، سونداي-اق قىتاي مەن رەسەي - ءارقايسىسى 1,1 مىڭ توننادان.

وعان قوسا شاي ءونىمى ۆەتنام، يران، شري- لانكا جانە گرۋزيادان دا كەلەدى.

ءوز كەزەگىندە قازاقستان شايدى رەسەيگە، قىرعىزستانعا، وزبەكستانعا، تۇرىكمەنستانعا، تاجىكستانعا، موڭعولياعا جانە تۇركياعا ەكسپورتتادى.

ايتا كەتەيىك، ءبىر ادام ورتاشا ەسەپپەن جىلىنا 1,4 ك گ شاي تۇتىنادى (2023 -جىل بويىنشا).