«قازاقستان» شاحتاسىنان 106 ادام شۇعىل ەۆاكۋاتسيالاندى
«قازاقستان» شاحتاسىندا 17- تامىزدا بولعان ءورت ورنىندا جۇمىستار جۇرگىزىپ جاتقان جۇمىسشىلار بۇگىن شۇعىل تۇردە جەر بەتىنە كوتەرىلدى. ەۆاكۋاتسيا جاريالاۋعا وقيعا ورنىندا تەمپەراتۋرانىڭ شامادان تىس كوتەرىلۋى سەبەپ بولدى، دەپ حابارلايدى Kazinform.
«2023 -جىلعى 17- تامىزدا «قازاقستان» كەنىشىندە بولعان اپاتتان كەيىن اپاتتى ايماققا (D6 قاباتىنىڭ كومىر ەڭىسى) ىرگەلەس جاتقان ەسكى قازبالارعا جانە بوگەتشەلەرگە تەكسەرۋ جۇرگىزىلىپ جاتقان.
2003 -جىلى سالىنعان №14 بوگەتشەنى تەكسەرۋ بارىسىندا جاڭا وقشاۋلاعىش بوگەتشەنى ورناتۋ شەشىمى قابىلداندى.
11-قازاندا جاڭا وقشاۋلاعىش بوگەتشەنىڭ قۇرىلىسىنا دايىندىق بويىنشا تەحنيكالىق جۇمىستاردى جۇرگىزۋ كەزىندە كاسىبي اسكەريلەندىرىلگەن اۆاريالىق- قۇتقارۋ قىزمەتىنىڭ (ك ا ا ق ق) ساربازدارى ماسسانىڭ قىزىپ جاتقانىن انىقتادى. ول ەسكى بوگەتشەنىڭ اۋزىنان وقشاۋلانعان كەڭىستىكتەن 50 مەتر جەردە ورنالاسقان.
اتالعان اۆاريا تۋرالى حابارلانعان بويدا توتەنشە جاعدايدى جويۋ جونىندە جوسپار ەنگىزىلدى.
شاحتادا 106 ادام بولدى. ساعات 13:50 دە بارلىق جۇمىسشىلار جەر بەتىنە شىعارىلدى. زارداپ شەككەندەر جوق. تەكسەرۋ جۇرگىزۋ ءۇشىن شاحتاعا ك ا ا ق ق- ءنىڭ قوسىمشا 2 بولىمشەسى جەتتى» ، - دەپ حابارلادى ارسەلورميتتال تەمىرتاۋ ا ق باسپا ءسوز قىزمەتىنەن.
ەسكە سالايىق، قاراعاندى وبلىسىنداعى «قازاقستان» شاحتاسىندا ءورت 17- تامىز كۇنى شىققان بولاتىن.
اپات كەزىندە جەر استىندا 227 كەنشى بولدى. 222 ادامدى جەر بەتىنە جەدەل كوتەرۋ مۇمكىن بولدى، سەگىزى زارداپ شەكتى.
شاحتانىڭ استىندا قالىپ قويعان بەس كەنشىنىڭ دەنەسى تابىلدى.
18- تامىزداعى جاعداي بويىنشا مەديتسينا مەكەمەلەرىندە ورتتەن زارداپ شەككەن 11 كەنشى ەم قابىلداپ جاتتى.
پرەزيدەنت قاسىم- جومارت توقايەۆ ءورت سەبەبىن انىقتاۋ ءۇشىن جان- جاقتى تەرگەۋ جۇرگىزۋدى تاپسىردى.
