قازاقستان شاحتالارىندا قانداي كومپانيالار كەن وندىرەدى

استانا. KAZINFORM - ەلىمىزدەگى ەڭ تەرەڭ شاحتا ۇڭعىماسى 820 مەتردى قۇرايدى. بۇل ۇڭعىمالار «قازاقستان» مەن «تەنتەك» شاحتالارىندا ورنالاسقان.

اتالعان كومىر وندىرەتىن نىساندار قاراعاندى وبلىسىندا جۇمىس ىستەپ تۇرعان 11 شاحتانىڭ قاتارىنا كىرەدى. ونەركاسىپ جانە قۇرىلىس مينيسترلىگى ۇسىنعان دەرەككە سايكەس، جەر استىنان كومىر قازۋمەن ءۇش كاسىپورىن اينالىسادى:

- «QarMet» ا ق - 8 شاحتا؛

- «س ت س 1» ج ش س - 2 شاحتا؛

- «راپيد» فيرماسى» ج ش س - 1 شاحتا.

ەلىمىزدەگى ەڭ ءبىرىنشى كومىر شاحتالارى - «QarMet» ا ق كومىر دەپارتامەنتىنە تيەسىلى «اباي» مەن «كوستەنكو». اتالعان شاحتالار 1952-جىلدان يگەرىلە باستادى.

ونەركاسىپ مينيسترلىگى ەلىمىزدىڭ اۋماعىندا جۇمىس ىستەپ تۇرعان وزگە دە شاحتالار مەن كەنىشتەردىڭ وزەكتى ءتىزىمىن ۇسىندى. قۇجاتتا حروم، تەمىر، مىس، قۇرامىندا التىن مەن پوليمەتالل كەندەرى بار پايدالى قاتتى قازبالاردى وندىرۋمەن اينالىساتىن كاسىپورىندار كورسەتىلگەن.

حروم كەنىن «قازحروم» ترانسۇلتتىق كومپانياسى» ا ق پەن «ۆوسحود- Oriel» ج ش س 7 كەنىش پەن شاحتادا وندىرەدى:

• «مولودەجنايا»؛

• شاحتا قۇرىلىسى سەحى؛

• تاۋ-كەن كولىگى سەحى؛

• جوندەۋ سەحى-1؛

• جوندەۋ سەحى-3؛

• اۆتوماتتاندىرۋ سەحى؛

• «ۆوسحود».

تەمىر كەنىن «سوكولوۆ-سارىباي تاۋ-كەن ءوندىرۋ وندىرىستىك بىرلەستىگى» ا ق پەن «اقتوبە مىس كومپانياسى» ج ش س 3 كەنىش پەن شاحتادا وندىرەدى:

- «سوكولوۆ»؛

تەحنيكالىق جابدىقتاردى جوندەۋ باسقارماسى؛

«كوكتەم- ارالشى».

مىس كەنىن «اقتوبە مىس كومپانياسى» ج ش س مەن «قازاقمىس كورپوراتسياسى» ج ش س 11 كەنىش پەن شاحتادا وندىرەدى:

«كوكتەم-ارالشى»؛

«شىعىس جەزقازعان»؛

«وڭتۇستىك جەزقازعان»؛

«باتىس جەزقازعان»؛

«جومارت»؛

«جىلاندى»؛

«نۇرقازعان»؛

«اقباستاۋ»؛

«ابىز»؛

«ساياق»؛

«شاتىركول».

قۇرامىندا التىن بار كەندى «AltynEx» ا ق، «مايقايىڭ التىن» ا ق، Baurgold كومپانياسى، «فورپوست» ج ش س، «شىعىس تۇستى م ە ت» ج ش س، «فيك الەل» ا ق، «بايليۋستى-التىن» ج ش س كاسىپورىندارى 13 كەنىش پەن شاحتادا وندىرەدى:

- «اقباقاي»؛

- «اقسۋ»

- بەستوبە»

- «جولىمبەت»

- «يۋبيلەينوە»

- «مايقايىڭ»

• «سەكيسوۆكا»

• «ءۇششوقى»

• «ارتەميەۆسكايا»

• «ورلوۆسكايا»

• «ەرتىس»

• «سۋزدال»

• «19-شاحتا»

پوليمەتال كەنىن «قازمىرىش» ج ش س مەن «Nova سينك» ج ش س 6 كەنىش پەن شاحتادا وندىرەدى:

• «مالەيەۆسكي»

• «ريددەر-سوكولنىي»

• «تيشينسكي»

• «دوليننوە»

• «كازتسينك-شاحتوستروي»

• «اقجال»

ونەركاسىپ مينيسترلىگىنىڭ اتاپ وتۋىنشە، ەڭبەكتى قورعاۋ ماسەلەسى مينيسترلىك، سالالىق كاسىپوداقتار جانە جۇمىس بەرۋشى اراسىنداعى الەۋمەتتىك سەرىكتەستىك تۋرالى سالالىق كەلىسىم ارقىلى رەتتەلەدى. اتالعان كەلىسىم اياسىندا قاۋىپسىزدىك جونىندەگى وندىرىستىك كەڭەس، سونىمەن قاتار تەحنيكالىق ينسپەكتور جۇمىس ىستەيدى.

- ونەركاسىپتىك قاۋىپسىزدىك ءۇشىن مەملەكەتتىك باقىلاۋ مەن قاداعالاۋدى توتەنشە جاعدايلار مينيسترلىگىنىڭ ونەركاسىپ قاۋىپسىزدىگى كوميتەتى جۇزەگە اسىرادى، - دەلىنگەن ۆەدومستۆونىڭ رەسمي ساۋالعا بەرىلگەن جاۋابىندا.

بۇعان دەيىن «كوستەنكو اتىنداعى كومىر شاحتاسىنداعى جارىلىسقا قاتىستى قىلمىستىق ءىس بويىنشا الدىن الا سوت تىڭداۋى باستالعانىن جازعان ەدىك.