قازاقستان ءۇندىستان مەن ب ا ءا ساياحاتشىلارى ءۇشىن ترەندتىك دەستيناتسياعا اينالدى

استانا. KAZINFORM - قازاقستان 2024 -جىلى ساياحاتتاۋعا ارنالعان توپ-24 دەستيناتسيالاردىڭ قاتارىنا كىردى. بۇل تۋرالى تۋريزم جانە سپورت مينيسترلىگىنەن ءمالىم ەتتى.

«قازاقستان جىل سايىن ءتۇرلى نوميناتسيالاردا اتالىپ وتىلەدى. بيىل الماتى قالاسى The New York Times جاريالاعان «ساياحاتتاۋعا تۇرارلىق 52 جەر» قاتارىنا ەندى. ال Wanderlust رەداكسياسىنىڭ پىكىرىنشە، قازاقستان 2024 -جىلى ساياحاتتاۋعا ارنالعان توپ-24 دەستيناتسيالارعا كىردى. Condé Nast Traveller Italia قازاقستاندى الەمدەگى توپ-5 تاۋ شاڭعى دەستيناتسيالارىنىڭ قاتارىنا ەنگىزدى»، - دەپ اتاپ ءوتتى مينيسترلىكتەن اگەنتتىكتىڭ رەسمي ساۋالىنا وراي.

ۆەدومستۆو مالىمەتىنشە، 2023 -جىلى دۇنيەجۇزىلىك تۋريستىك ۇيىمى قازاقستاننىڭ ساتى اۋىلىن ۇزدىك تۋريستىك اۋىل دەپ تانىدى.

«قازاقستان Versatile Excellence Travel Awards ماراپاتىندا TravelScapes نۇسقاسى بويىنشا ءۇندىستان مەن ب ا ءا ساياحاتشىلارى ءۇشىن ترەندتىك دەستيناتسياعا اينالدى. ال Kazakhstan - Like Never Before بەينەروليگى پورتۋگالياداعى ARTTUR كينوفەستيۆالىندە بىردەن «ۇزدىك دەستيناتسيا - ەل» جانە «ۇزدىك جارنامالىق ناۋقان» نوميناتسيالارىندا ۇزدىك دەپ تانىلدى»، - دەدى مينيسترلىكتەن.

رەسمي جاۋاپقا قوسا بەرىلگەن اقپاراتقا سايكەس، قىتايدان كەلەتىن تۋريستەر سانى 20 ەسە (2022 -جىلى 17,7 مىڭ ادامنان 2023 -جىلى 367,4 مىڭ ادامعا دەيىن)، ءۇندىستاننان 3 ەسە (2022 -جىلى 28,3 مىڭ ادامنان 2023 -جىلى 78 مىڭ ادامعا دەيىن)، وڭتۇستىك كورەيادان 2,5 ەسە (2022 -جىلى 15,8 مىڭ ادامنان 2023 -جىلى 35,6 مىڭ ادامعا دەيىن)، قاتاردان 2 ەسە (2022 -جىلى 500 ادامنان 2023 -جىلى 1000 ادامعا دەيىن ادام)، گەرمانيادان 50 پايىز (2022 -جىلى 57 مىڭ ادامنان 2023 -جىلى 85 مىڭ ادامعا دەيىن)، ب ا ءا- دەن 50 پايىز (2022 -جىلى 6,5 مىڭ ادامنان 2023 -جىلى 10,5 مىڭ ادامعا دەيىن) ءوستى.