قازاقستان ءدارى-دارمەك نارىعىندا يمپورتقا قانشالىقتى تاۋەلدى

Қазақстан дәрі-дәрмек нарығында импортқа қаншалықты тәуелді
فوتو: egemen.kz

دەنساۋلىق ساقتاۋ مينيسترلىگى ەلىمىزدەگى دارىلىك زاتتار مەن مەديتسينالىق بۇيىمدار نارىعىنا قاتىستى تۇسىنىك بەردى، دەپ حابارلايدى Kazinform.

«قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگىنىڭ دەرەگى بويىنشا 2022 -جىلى فارماتسەۆتيكا سالاسىنىڭ ءوندىرىسى 162,6 ميلليارد تەڭگە بولدى. 2023 -جىلدىڭ 11 ايىندا ءوندىرىس كولەمى 131,0 ميلليارد تەڭگەگە جەتتى. سونىمەن قاتار قارجى مينيسترلىگىنىڭ دەرەكتەرىنە قاراعاندا، 2022 -جىلى ەكسپورت كولەمى 32,2 ميلليون ا ق ش دوللارى، يمپورت 1,7 ميلليارد ا ق ش دوللارى شاماسىندا بولدى. ال 2023 -جىلدىڭ 11 ايىندا فارماتسەۆتيكا ونەركاسىبىنىڭ ەكسپورتى 14,4 ميلليون ا ق ش دوللارىن، ال يمپورت 1,6 ميلليارد ا ق ش دوللارىن قۇرادى»، - دەلىنگەن دەنساۋلىق ساقتاۋ مينيسترلىگىنىڭ Kazinform اگەنتتىگىنە بەرگەن جاۋابىندا.

فارماتسەۆتيكالىق نارىق كولەمى 2022 -جىلى 922 ميلليارد تەڭگە (2 ميلليارد ا ق ش) بولدى.

«2023 -جىلدا فارماتسەۆتيكا سالاسىندا 8 جاڭا ءوندىرىس اشىلدى. 2024 -جىلدا تاعى 7 جاڭا ءوندىرىس اشۋ جوسپارلانعان»، - دەپ اتالىپ وتكەن ۆەدومستۆو حابارلاماسىندا.

سونىمەن قاتار مينيسترلىك قازاقستاندا ءدارى-دارمەكپەن قامتاماسىز ەتىلۋ دەڭگەيى جايىندا تۇسىنىك بەردى. قازىرگى كەزدە امبۋلاتوريالىق دەڭگەيدە پاتسەنتتەر 126 نوزولوگيا بويىنشا تەگىن پرەپاراتتارمەن قامتاماسىز ەتىلەدى، ياعني تەگىن مەديتسينالىق كومەكتىڭ كەپىلدەندىرىلگەن كولەمى اياسىندا 56 نوزولوگيا جانە م ءا م س جۇيەسىندە 70 نوزولوگيا ەسكەرىلگەن. وسى رەتتە، نوزولوگيالاردىڭ سانى 2019 -جىلعى 50 دەن 2022 -جىلى 126 عا دەيىن ءوستى. بۇل ءوز كەزەگىندە 3,8 ميلليوننان استام پاتسەنتتى نەمەسە 2019 -جىلمەن سالىستىرعاندا 54 پايىزعا ارتىق قامتۋعا مۇمكىندىك بەردى.

اۆتور

رۋسلان عابباسوۆ

سوڭعى جاڭالىقتار