قازاقستان بوكس فەدەراتسياسىنىڭ ۆيتسە-پرەزيدەنتى تاعايىندالدى
استانا. KAZINFORM - بۇل قىزمەتكە بولات ابدراحمانوۆ كەلدى. ول ايماقتارمەن جۇمىس بويىنشا ەڭبەك ەتەدى.
بولات ابدراحمانوۆ 30 جىلعا جۋىق وتاندىق سپورت سالاسىندا ەڭبەك ەتكەن. «قۇرمەت» وردەنىنىڭ يەگەرى. ءار جىلدارى بوكستان مەملەكەتتىك جاتتىقتىرۋشى، ۇلتتىق قۇراما ۇيلەستىرۋشىسى جانە تاعى باسقا قىزمەتتەر اتقارعان.
55 جاستاعى مامان قالالىق ءبىلىم بولىمىندە جاتتىقتىرۋشى، وليمپيادالىق رەزەرۆتەگى بالالار مەن جاس وسپىرىمدەر سپورت مەكتەبىنىڭ، استانا قالاسىنىڭ 2-ب ج س م ديرەكتورى بولسا، ودان كەيىن «لوكوموتيۆ» دەنە شىنىقتىرۋ-سپورت كلۋبىنىڭ اعا جاتتىقتىرۋشىسى قىزمەتىن اتقاردى.
ودان كەيىنگى جىلداردا «وليمپيادالىق رەزەرۆتى دايىنداۋ ورتالىعىنىڭ» ديرەكتورى، ق ر تۋريزم جانە سپورت مينيسترلىگى سپورت كوميتەتىنىڭ «شتاتتىق ۇلتتىق كوماندالار جانە سپورت رەزەرۆى ديرەكتسياسى» ر م ق ك بوكستان مەملەكەتتىك جاتتىقتىرۋشى، «تارلان باتىرلارى» ج ش س ديرەكتورى بولىپ ەڭبەك ەتتى.
ەسكە سالساق، بۇدان بۇرىن قازاقستان فۋتزال قاۋىمداستىعىنىڭ باس حاتشىسى تاعايىندالدى.
