قازاقستان-بريتان تەحنيكالىق ۋنيۆەرسيتەتى مەملەكەتكە قايتارىلدى
استانا. KAZINFORM - ەندى قازاقستان-بريتان تەحنيكالىق ۋنيۆەرسيتەتى مەملەكەت مەنشىگىندە.
قارجى مينيسترلىگىنىڭ قارجىلىق ەسەپتىلىك دەپوزيتاريى سايتىندا جاريالانعان مالىمەتكە سايكەس، 2025-جىلعى 27-اقپاننان باستاپ قازاقستان-بريتان تەحنيكالىق ۋنيۆەرسيتەتىنىڭ جاڭا يەسى «قايتارىلعان اكتيۆتەردى باسقارۋ جونىندەگى كومپانيا» جاۋاپكەرشىلىگى شەكتەۋلى سەرىكتەستىگى، ال ونىڭ جالعىز قۇرىلتايشىسى جانە قاتىسۋشىسى - قازاقستان رەسپۋبليكاسىنىڭ ۇكىمەتى.
«قازاقستان-بريتان تەحنيكالىق ۋنيۆەرسيتەتى» ا ق قازاقستان رەسپۋبليكاسى ۇكىمەتىنىڭ 2001-جىلعى 3-تامىزداعى قاۋلىسىمەن قۇرىلدى. قازاقستان تاراپىنان قۇرىلتايشى رەتىندە ق ر ۇكىمەتى ءبىلىم جانە عىلىم مينيسترلىگى اتىنان قاتىسسا، بريتاندىق تاراپتان ق ب ت ۋ- دىڭ سەرىكتەستەرى رەتىندە قازاقستانداعى ۇلىبريتانيا ەلشىلىگى مەن بريتاندىق كەڭەس بولدى.
2003-جىلدان باستاپ «قازاقستان-بريتان تەحنيكالىق ۋنيۆەرسيتەتى» ا ق- نىڭ جالعىز اكسيونەرى «قازمۇنايگاز» ا ق بولدى (ق ر ۇكىمەتىنىڭ 2003-جىلعى 26-قىركۇيەكتەگى قاۋلىسىنا سايكەس).
2018-جىلى قازاقستان-بريتان تەحنيكالىق ۋنيۆەرسيتەتىنىڭ اكتسيالار پاكەتى ق ر ۇكىمەتىنىڭ 2015-جىلعى 30-جەلتوقسانداعى 1141-قاۋلىسىمەن بەكىتىلگەن جەكەشەلەندىرۋ باعدارلاماسى اياسىندا «نۇرسۇلتان نازاربايەۆ ءبىلىم قورى» قوعامدىق قورى ساتىپ الدى.
بىلتىر كۇزدە قايتارىلعان اكتيۆتەردىڭ قانشاسى مەملەكەت مەنشىگىنە وتكەنى تۋرالى جازعان بولاتىنبىز.
سونىمەن قاتار مەملەكەتكە قايتارىلعان 12 ميلليارد تەڭگە اكتيۆتىڭ قايدا جۇمسالاتىنىن حابارلادىق.
