Qazaqstan Barysy Grand Slam جارىسىنا 92 ەلدەن 519 سپورتشى تىركەلدى

Турнир по қазақ күресі «Театр барысы» пройдет среди актеров в Астане
Фото: пресс-служба акимата Астаны

 استانا. KAZINFORM - ەلوردادا 10-12-مامىر كۇندەرى دزيۋدودان وتەتىن Qazaqstan Barysy Grand Slam جارىسىنا قاتىساتىن سپورتشىلاردىڭ ەسىمدەرى بەلگىلى بولدى.

دزيۋدو فەدەراتسياسىنىڭ باسپا ءسوز قىزمەتى ءمالىم ەتكەندەي، استاناعا 3 وليمپيادا، 13 الەم چەمپيونى كەلە جاتىر. ال جالپى پاريج وليمپياداسىنا ۇپاي بەرەتىن بۇل جارىسقا 92 ەلدەن 519 سپورتشى تىركەلگەنى انىقتالدى.

حالىقارالىق دزيۋدو فەدەراتسياسىنىڭ كۇنتىزبەسىنە Qazaqstan Barysy Grand Slam اتاۋىمەن ەنگەن جارىس قاتىسۋشىلارىنىڭ قاتارىندا دزيۋدو سپورتىنىڭ جارىق جۇلدىزى، ءۇش دۇركىن وليمپيادا چەمپيونى، 12 دۇركىن الەم چەمپيونى تەددي رينەردەن (فرانتسيا) باستاپ، وليمپيادا جەڭىمپازدارى مەن جۇلدەگەرلەرى اكيرا سونە (جاپونيا)، رافاەليا سيلۆا (برازيليا)، باۋل ان (وڭتۇستىك كورەيا)، الەم چەمپيوندارى مەن جۇلدەگەرلەرى كريستا دەگۋچي (كانادا)، تسوگتبااتار تسەندوچشير (موڭعوليا)، دجوردج فونسەكا (پورتۋگاليا)، ۆان ت ەند نوەل (نيدەرلاندى)، ۆاليد كيار (فرانسيا)، تاتسۋرۋ سايتو (جاپونيا)، Grand Slam جەڭىمپازدارى دوستون روزيەۆ (وزبەكستان)، ەليوس مانتسي (يتاليا)، بارۋح شمايلوۆ (يزرايل)، كۋبانىچبەك ايبەكۋۋلۋ (قىرعىزستان) بار.

ەستەرىڭىزگە سالا كەتسەك، ەلىمىز جارىستى قابىلداۋشى رەتىندە ءار سالماق دارەجەسىندە ماكسيمالدى 4 سپورتشىدان شىعارۋعا قۇقىلى. جاقسىلىق ۇشكەمپىروۆ اتىنداعى جەكپە- جەك سارايىنىڭ تورىندە وتەتىن الەمدىك دودادا قازاقستان ساپىنان ەكى دۇركىن وليمپيادا جۇلدەگەرى ەلدوس سمەتوۆ، Grand Slam چەمپيونى ماعجان شامشادين، الەم چەمپيوناتىنىڭ كۇمىس جۇلدەگەرى عۇسمان قىرعىزبايەۆ، گران پري جارىستارىنىڭ جۇلدەگەرى عاليا تىنبايەۆا باستاعان سپورتشىلار ەل نامىسىن قورعايدى.

بۇل باسەكەنىڭ ناتيجەسىندە IJF ەرەجەلەرىنە سايكەس جارىستىڭ جەڭىمپازدارى مەن جۇلدەگەرلەرى اراسىندا الەمدىك جانە وليمپيادالىق رەيتينگىلەردە ۇپايلار بولىنەدى. اتاپ ايتقاندا، ءى ورىن ءۇشىن 1000، Ⅱ ورىن ءۇشىن - 700، ال Ⅲ ورىن ءۇشىن - 500 ۇپاي ەسەپتەلەدى.

بايراقتى دودا 2024 -جىلى پاريجدە وتەتىن جازعى وليمپيادا ويىندارىنىڭ قارساڭىنداعى سوڭعى ليتسەنزيالىق Grand Slam جارىسى بولماق.

اۆتور
كۇنسۇلتان وتارباي

سوڭعى جاڭالىقتار