قازاقستان ب ۇ ۇ باس اسسامبلەياسىنىڭ يزرايل شەكاراسىنا قاتىستى رەزوليۋتسياسىن قولدادى

قازاقستان ب ۇ ۇ باس اسسامبلەياسىنىڭ يزرايل شەكاراسىنا قاتىستى قارارىن قولدادى. قارارعا سايكەس، يزرايل 1967-جىلعى شەكاراعا ورالۋعا شاقىرىلدى، دەپ حابارلايدى Kazinform ۇيىمنىڭ سايتىنا سىلتەمە جاساپ.

داۋىس بەرۋ بىرىككەن ۇلتتار ۇيىمى باس اسسامبلەياسىنىڭ 78-سەسسياسى بارىسىندا ءوتتى. قۇجاتقا 91 ەل داۋىس بەردى. ولاردىڭ قاتارىندا رەسەي، برازيليا، ءۇندىستان، قىتاي جانە ساۋد ارابياسى بار. سەگىز مەملەكەت قارسىلىق ءبىلدىردى، ولاردىڭ قاتارىندا ا ق ش پەن ۇلى بريتانيا بار. 62 ەل قالىس قالدى. قاراردى بىرلەسىپ جازعان ەلدەر قاتارىندا الجير، ۆەنەسۋەلا، ەگيپەت، يوردانيا، يراك، كاتار، سولتۇستىك كورەيا، كۋبا، كۋۆەيت، ليۆان، ماۆريتانيا، ب ا ءا، سيريا جانە تۋنيس بار.

باس اسسامبلەيا قارارلارىنىڭ ب ۇ ۇ قاۋىپسىزدىك كەڭەسى قارارلارىنان ايىرماشىلىعى - مىندەتتى كۇشى جوقتىعىندا.